6-02-2020, 09:58 | "Qardaş ölkə Azərbaycanı nə qədər tanıyırsan? - Türkiyə mətbuatında maraqlı test - FOTO
Türkiyənin ən çox oxunan xəbər portallarından biri olan "haberler.com"da Azərbaycanla bağlı test yerləşdirilib.
Testdə Azərbaycanın paytaxtı, prezidentləri, yerləşdiyi ərazi ilə bağlı bir neçə sual var. "Qardaş ölkə Azərbaycanı nə qədər tanıyırsan?" başlığı ilə yayımlanan test 8 sualdan ibarətdir.
Sualların çoxuna səhv cavab verdikdə monitorda "Azərbaycanla Türkiyənin bir millət, iki dövlət olduğu deyilir. Amma sənin Azərbaycandan xəbərin yoxdur. Bizi məyus etdin. Qardaş olduğumuz ölkə haqqında bu qədər məlumatsız olmaq olmaz. Ayıb olsun" sözləri peyda olur.
Qeyd edək ki, sözügedən saytda hər gün müxtəlif sahə ilə bağlı testlər yerləşdirilir.
30-01-2020, 19:06 | İran İraqdan 5 milyard dollarını ala bilmir
Vaşinqton 7 avqust 2018-ci ildə İranın maliyyə sektoruna qarşı birtərəfli sanksiyalar tətbiq edib.
Buna görə də İranın ixrac etdiyi təbii qaz və elektrik enerjisinə görə İraqdan alacağı beş milyard dollar (təxminən, səkkiz milyard AZN - red.) İraq Mərkəzi Bankında qalıb.
Bu barədə rəsmi İRNA agentliyinə danışan İran Neft Məhsulları İxracatçıları Birliyinin sözcüsü Həmid Hüseyni bildirib.
İran və İraq arasındakı qarşılıqlı ticarət dövriyyəsinin son aylarda İraqdakı hadisələrə görə kəskin azaldığını deyən Hüseyni, buna baxmayraq 10 ayda səkkiz milyard dollarlıq (təxminən, 13.6 milyard AZN - red.) mal ixrac etdiklərini deyib.
Qeyd edək ki, İran Mərkəzi Bankının da sanksiyalara məruz qalmasına görə beynəlxalq ticarətdə çətinliklərlə üzləşib.
30-01-2020, 18:43 | Londonda pendirsevərlər üçün hotel açıldı - FOTO
Londonda açılan yeni hotel özünün dizaynı ilə fərqlənir.
Burada otaqların divar kağızları, əşyalar, dekor və digər avadanlıqlar pendir rəngindədir. Hətta hamam otağında qoyulan sabun da pendir qoxusu verir.
Elle.ru məlumat verir ki, hotel Londonun Kemden rayonunda açılıb. Hazırda burada iş test rejimi ilə həyata keçirilir.
Qonaqlara menyusunda müxtəlif növ pendir və pendir təamları ilə hazırlanan yeməklər təklif olunur.
Qeyd edək ki, aparılan statistikaya əsəsən, Böyük Britaniyada ildə 700 milyon ton pendir yeyilir.
