24-12-2024, 08:19 | "Whatsapp" 8 gün sonra bu telefonlarda bloklanacaq
Məşhur mesajlaşma tətbiqi WhatsApp, 1 yanvar 2025 tarixindən etibarən bəzi telefon modellərində fəaliyyətini dayandıracaq. Meta tərəfindən yayımlanan siyahıya əsasən, tətbiq 8 gün sonra bəzi Motorola, Samsung, HTC, LG və Sony modellərində işləməyəcək.
Meta şirkəti, müəyyən aralıqlarla köhnə cihaz modellərinə dəstəyi dayandırır. Şirkət açıqlayıb ki, köhnə aparatlara malik olan və yeni versiyaları işlətdikdə çətinlik çəkən cihazlar üçün dəstək artıq başa çatıb.
İŞLƏMƏYƏCƏK MODELLƏRİN SİYAHISI
Samsung:
Galaxy S3
Galaxy Note 2
Galaxy Ace 3
Galaxy S4 Mini
Motorola:
Moto G (1-ci nəsil)
Razr HD
Moto E 2014
HTC:
One X
One X+
Desire 500
Desire 601
LG:
Optimus G
Nexus 4
G2 Mini
L90
Sony:
Xperia Z
Xperia SP
Xperia T
Xperia V
WhatsApp-ın inkişaf edən funksiyaları və platformaya əlavə olunan yeniliklər, bu cihazların köhnə texnologiyaları ilə uyğunsuzluq yaratdığı üçün tətbiqin işləməsinə mane olur. Yeniliklərin daha stabil işləməsi üçün müasir cihazların istifadəsi zəruridir. Buna görə də köhnə cihazlar üçün dəstək tamamilə dayandırılır.
İPHONE MODELLƏRİ ÜÇÜN SON TARİX MAY 2025
iPhone istifadəçiləri üçün WhatsApp dəstəyinin son tarixi May 2025 olaraq müəyyən edilib. iOS 15.1 və daha köhnə versiyalara malik olan iPhone modelləri bu tarixdən sonra WhatsApp tətbiqindən istifadə edə bilməyəcək.
Lalə Qüdrətova
milli.az
12-12-2024, 09:32 | Sosial şəbəkələrdə paylaşılan qarışıqların dəhşətli fəsadları - VİDEO
Sosial şəbəkələrdə müxtəlif vasitələrlə dərman məhlullarının hazırlanması ilə bağlı paylaşlımlar edilir.
Xəzər TV-yə istinadən bildirir ki, bal, limon, zəncəfil, sarımsaq, soğan, qoz və bir sıra məhsullardan hazırlanan bu vasitələrin soyuqdəymə, qrip və boğaz ağrısına qarşı effektiv olduğu iddia edilir. Xüsusilə də uşaqlar üçün bu qarışıqların faydalı olduğu vurğulanır. Ancaq hazırlanan qarışığın nə dərəcədə təhlükəsiz olduğu suallar doğurur.
Mütəxəssislər bununla bağlı xəbərdarlıq edir. Həkim məsləhəti olmadan bu cür vasitələrdən istifadə ciddi fəsaslara səbəb ola bilər.
Tibb üzrə ekspert Qalib Əsədovun sözlərinə görə, belə məhsulları hazırlayıb satışını hətaya keçirənlər daha çox heç bir tibbi məlumatı, təhsili olmayan şəxslərdir. Gün ərzində bir çox insan bu cür qarışıqları qəbul edərək ya
Qalib Əsədov deyir ki, belə vasitələrdən istifadə əsassızdır. Belə məlumatların tibbi nəzarət olmadan yayılması, müalicə proseslərinin səhv həyata keçirilməsinə və ya yan təsirlərin artmasına səbəb ola bilər.
Həkim pediatr Sevinc Tağıyeva da deyir ki, mürəkkəb tərkibli vasitələr heç bir halda uşaqlara verilməməlidir.
Milli.Az xəzər tv-nin hazırladığı videomaterialı təqdim edir:
12-12-2024, 09:22 | Pulsuz "Wi-Fi"ya qoşulanlar DİQQƏT: Kartdakı pullarınızı oğurlana bilər
Pulsuz Wi-Fi şəbəkələri geniş istifadə olunur, insanların internetə sürətli və sərfəli şəkildə qoşulmasına imkan yaradır. Bu kimi internetlərə Dənizkənarı Bulvar ərazisində, ADY qatarlarında və bir çox ictimai nəqliyyatda rast gəlmək olar.
Bu cür şəbəkələr ciddi təhlükəsizlik riskləri ilə yanaşı istifadəçilər müxtəlif kiberhücumlar və məlumatların sızması kimi problemlərlə qarşılaşa bilər.
Bəs pulsuz Wi-Fi şəbəkələrinin yaratdığı təhlükələr nələrdir?
Şifrlənməmiş pulsuz Wi-Fi şəbəkələri kiberhakerlər üçün çox əlverişli olur. Hakerlər şəbəkəyə qoşulan istifadəçilərin göndərdiyi məlumatları izləyərək şəxsi məlumatları, parolları və bank məlumatlarını ələ keçirə bilərlər.
Digər hücum növü isə hakerlər istifadəçinin cihazı ilə internet arasında araya girir və məlumatları ələ keçirir. Şəbəkə üzərindən göndərilən həssas məlumatlar, məsələn, kredit kartı nömrələri və şifrələr, hakerlərin əlinə keçə bilər.
Pulsuz Wi-Fi şəbəkələrinə qoşularkən istifadəçilər zərərli proqramlar və viruslarla yoluxa bilərlər. Hakerlər şəbəkə üzərindən cihazlara zərərli proqramlar göndərərək istifadəçilərin məlumatlarını oğurlaya bilər.
Bəs hesablarımızı qorumaq üçün həmin internetden necə istifadə edək?
Pulsuz Wi-Fi şəbəkələrində daha təhlükəsiz internet bağlantısı əldə etmək üçün Virtual Private Network (VPN) istifadə etmək tövsiyə edilir. VPN istifadəçilərin internet bağlantısını şifrələyərək məlumatlarını qorumağa kömək edir. İstifadəçilər yalnız tanınmış və etibarlı şəbəkələrə qoşulmalıdır. Hakerlər saxta Wi-Fi şəbəkələri quraraq istifadəçiləri aldatmağa çalışa bilər.
Hesabların təhlükəsizliyini artırmaq üçün iki faktorlu autentifikasiyanı aktivləşdirmək vacibdir. Bu, istifadəçilərin məlumatlarının oğurlanmasını çətinləşdirir. Pulsuz Wi-Fi istifadə edərkən bu təhlükələri nəzərə alaraq, şəxsi məlumatlarınızı və cihazlarınızı qorumaq üçün tədbir görmək vacibdir. Müvafiq təhlükəsizlik önləmləri ilə şəbəkə risklərini minimuma endirmək mümkündür.
Aysel Əkbər
Milli.Az
12-12-2024, 09:20 | 7 gün şəkər qəbul etməsəniz nə baş verər?
[center]
[/centerBir çox xəstəliklərə səbəb olan şəkəri 7 gün ərzində özümüzdən uzaq tutsaq orqanizmdə nə baş verər ?
Hər kəsə maraqlı olan bu sualın cavabını sizə təqdim edir:
İlk günlərdə yüngül yorğunluq hissi yaşaya bilərsiniz. Ancaq bədən şəkərdən asılı olmadan enerji istehsal etməyə başlayanda özünüzü daha canlı və enerjili hiss edəcəksiniz.
Şəkər dəridəki kollagen strukturunu pozaraq qırışlara və sızanaqlara səbəb ola bilər. Şəkərdən imtina etdiyiniz zaman dəriniz daha parlaq və sağlam görünməyə başlayır.
Şəkər istehlakı qan şəkərində ani dalğalanmalara səbəb olur. Şəkəri kəsdiyiniz zaman bu dalğalanmalar azalır, aclıq böhranları və şirniyyata olan həvəsiniz getdikcə azalır.
Həddindən artıq şəkər immunitet sisteminin zəifləməsinə səbəb olur. Şəkərsiz bir həftədən sonra vücudunuz infeksiyalara qarşı daha davamlı olur.
Şəkər boş kalori mənbəyidir və bədəndə yağ yığılmasını artırır. Şəkərdən çıxdığınız zaman kalori qəbulunuz azalır və maddələr mübadiləsiniz daha effektiv işləyir.
12-12-2024, 09:17 | Dişlərin sarılığı hər gün fırçalansa da keçmirsə...
Dişləri düzgün fırçalamaq diş çürüməsi və diş əti xəstəliklərinin qarşısını alır, eyni zamanda parlaq bir təbəssüm yaradır.
Dişlərinizi fırçalamaq insanların çoxunun vərdiş etdiyi bir fəaliyyət olsa da, fırçalama üsulu, tezliyi və müddəti diş sağlamlığı və estetika baxımından çox əhəmiyyətlidir.
Əks təqdirdə, dişlərinizi müntəzəm fırçaladığınızı düşünərkən, əslində dişlərinizin saralmasına səbəb ola bilərsiniz.
Ağız gigiyenasında vacib olan təkcə fırçalama tezliyi deyil, həm də düzgün fırçalama texnikasıdır.
Diş fırçasını islatmaq lazımdırmı?
Diş fırçasının islanması pastanın dişlərə daha bərabər yayılmasına və daha effektiv təmizləməyə imkan verir. Bundan əlavə, diş fırçasını islatmaq onu daha yumşaq edir, beləliklə diş ətinə zərər vermədən təmizləmək mümkündür.
Qeyd edək ki, sərt fırçalama diş minasına zərər verə və həssas diş boyunlarını ifşa edə bilər./news24.az
12-12-2024, 09:16 | Yemək zamanı su içdikdə nə baş verir?
Yemək zamanı su içməyin həm üstünlükləri, həm də çatışmazlıqları var. Bəziləri bunun mədə turşusunu və həzm problemlərini artırdığını düşünür, digərləri suyun qida udulmasına kömək etdiyini və həddindən artıq yeməyin qarşısını aldığını iddia edir.
Orta miqdarda su qəbul etmək həqiqətən həzmi yaxşılaşdıra və toxluq hissini artıra bilər, lakin həddindən artıq miqdarda qəbul şişkinliyə səbəb ola bilər. Bəs yemək zamanı su içdikdə nə baş verir?
Suyun həzmə təsiri
Adətən yemək zamanı bir stəkan sudan bir-iki qurtum alırıq. Bu davranışı zərərsiz hesab etsək də, bunun ümumi sağlamlığınıza təsir edə biləcəyini bilmək sizi təəccübləndirə bilər.
Yemək zamanı su içməyin həzm üçün yaxşı və ya pis olduğu məsələsində qarışıq fikirlər var. Bəziləri suyun mədə turşusunu və həzm fermentlərini seyrəldərək həzmi zəiflətdiyini iddia edir. Digərləri isə bunun qidaların parçalanmasına və həzm sistemində daha effektiv hərəkət etməsinə kömək etdiyini söyləyir.
Mümkün çatışmazlıqlar:
Yemək zamanı çox su içmək şişkinliyə və ya narahatlığa səbəb ola bilər.
Yediklərinizin dadını seyrəldə bilər, xüsusilə keyfiyyətli yeməklərin dadını çıxarmağa çalışanlar üçün bu vacibdir.
Su, qida borusunda yeməyin hərəkətini asanlaşdırır və udmağı rahatlaşdırır.
Orta miqdarda su qəbulunun həzmi dəstəklədiyi və qidaların daha yaxşı mənimsənilməsinə kömək etdiyi göstərilib.
Yemək zamanı su içmək toxluq hissini artıraraq həddindən artıq yeməyin qarşısını ala bilər. Bu, kilo verməyə çalışanlar üçün faydalı bir üsul ola bilər.
Düzgün şəkildə su içmək qaydaları
Suyu yavaş və az miqdarda için. Yemək zamanı yarım stəkandan tam stəkana qədər içmək məsləhət görülür.
Yeməkdən 20-30 dəqiqə əvvəl bir stəkan su içmək həm şişkinlik riskini azaldır, həm də iştahın idarə edilməsinə kömək edir.
Qazlı içkilər və ya şirəli içkilərdən qaçının, çünki bunlar həzmi poza və lazımsız kaloriyə səbəb ola bilər.
Yemək zamanı suyu doğru şəkildə qəbul etmək, həzm sağlamlığını qorumağa və ümumi qida təcrübəsini yaxşılaşdırmağa kömək edə bilər.
11-12-2024, 21:53 | İrəvandan Bakıya təyyarə uçdu - Onları daşıyırmış...
Ötən gün axşam saatlarında İrəvanın "Zvartnots" hava limanından qalxan təyyarə Bakıya enib.
qafqazinfo-ya istinadən xəbər verir ki, dekabrın 11-də saat 17:00-da İrəvandan Bakıya "Enter Air" aviaşirkətinin təyyarəsi uçub.
"Hava gəmisi"nin göyərtəsində NATO Müdafiə Kollecinin kursantlarının olduğu güman edilir.
Bundan əvvəl Ermənistan Müdafiə Nazirliyi kollecin rəhbəri general-leytenant Maks Nilsenin rəhbərlik etdiyi nümayəndə heyətinin dekabrın 10-11-də Ermənistanda səfərdə olduğunu bildirmişdi. O, Ermənistan Silahlı Qüvvələrinin Baş Qərargah rəisi, Xarici İşlər Nazirliyi və Təhlükəsizlik Şurasının nümayəndələri ilə görüşlər keçirilib.
Qeyd olunur ki, "Enter Air"in çarter reysi bir gün əvvəl - dekabrın 9-da kollecin yerləşdiyi Romadan İrəvana gəlib.
11-12-2024, 20:32 | Messi Azərbaycana minnətdarlığını ifadə etdi! Dünya ulduzlarının iştirakı ilə möhtəşəm bayram
Baku Crystal Hall-da dünya ulduzlarının iştirakı ilə möhtəşəm bayram təşkil olunub.
Trend-in məlumatına görə, azarkeşlər dünya çempionu, səkkizqat "Qızıl top" mükafatı sahibi Lionel Messi və onun komanda yoldaşları - Luis Suares, Serxio Buskets və Jordi Albaya canlı görmək imkanı qazanıblar.
Azərbaycanın Xalq artisti Murad Dadaşovun aparıcılığı ilə baş tutan Bayram axşamının açılışında, Xalq artisti Natiq Şirinovun rəhbərliyi altında "Natiq" ritm qrupunun və rəqs kollektivinin iştirakı ilə möhtəşəm Azərbaycan kompozisiyası təqdim olunub.
Sonra qonaqlara dünya şöhrətli fransız DJ, ifaçı və bəstəkar Villi Vilyamın konsert proqramı təqdim olunub. Bu çıxışlar Baku "Crystal Hall"da tamamilə dolmuş tamaşaçıları daha da çoşdurub və hərəkətə gətirib
Daha sonra tamaşaçılara Lionel Messinin həyatına və karyerasına həsr olunmuş sənədli film nümayiş olunub. Film Messinin şəxsi həyatı, qələbələri və uğursuzluqları, sevincli və çətin anları haqqında unudulmaz görüntüləri ilə hər kəsi təsirləndirib. Hətta Messinin səhnəyə çıxmasından əvvəl tamaşaçılar onun adını tərənnüm edibdilər!
Və nəhayət, hamının səbirsizliklə gözlədiyi an gəldi - dünya ulduzları səhnəyə çıxaraq tamaşaçıları alqışlar altında salamlayıbılar. Messi çıxışında o və komanda yoldaşlarının ilk dəfə Bakıya gəldiklərini, ölkənin mədəniyyəti və insanları ilə az da olsa tanış olduqlarını bildirərək, Azərbaycanın göstərdiyi isti qəbul və qonaqpərvərliyə görə dərin minnətdarlığını ifadə edib.
Biletlərin satışından əldə olunan gəlirlərin xeyriyyə məqsədlərinə yönəldiləcəyi açıqlanıb. Tədbirin ən təsirli məqamlarından biri isə sağlamlıq imkanları məhdud uşaqlar, uşaq evlərinin sakinləri və şəhid ailələrindən olan uşaqların səhnəyə çıxması olub. Onlar dünya ulduzlarını görmək, avtoqraf almaq və birgə foto çəkdirmək şansı qazanıblar. Bu, uşaqlar üçün böyük bir sevinc və unudulmaz bir xatirə olub!
Səhnəyə həmçinin, Azərbaycanın bir sıra futbol komandalarının gənc futbolçuları çıxıblar. Onlar təkcə öz kumirlərini görmək deyil, həm də onlarla kiçik ötürmələr etmək, avtoqraf almaq və şəkil çəkmək şansı qazanıblar. İştirakçılar futbol ulduzları ilə maraqlı və unudulmaz anlar keçiriblər.
Tamaşaçılar arasında böyük coşqu doğuran məqam isə dünya ulduzlarının zalda oturanlara avtoqraflı futbol toplarını hədiyyə etməsi olub. Bu dəyərli hədiyyələri alan şanslılar üçün unudulmaz bir an olub!
Axşam məşhur rumın qrupu Morandinin çıxışı ilə sona çatıb.
Tədbirin təşkilatçılarına minlərlə futbol və musiqi həvəskarına ən parlaq emosiyalar və unudulmaz təəssüratlar bəxş etdikləri üçün dərin təşəkkür ifadə olunub.
11-12-2024, 20:07 | Elektrikli avtomobillər üçün yeni çıxış yolu - Enerji problemi həll olacaq
"Mercedes-Benz" şirkəti elektromobillərin enerji doldurma problemlərini həll etmək üçün innovativ texnologiya üzərində işləyir.
Milli.Az xarici mətbuata istinadən xəbər verir ki, şirkət tərəfindən təqdim edilən "günəş boyası" avtomobillərin karoserinə çəkilir və günəş enerjisindən elektrik enerjisi istehsal etməyə imkan yaradır.
Texnologiyanın Xüsusiyyətləri
Ultra Nazik Qat: Günəş boyasının qalınlığı cəmi 5 mikrometrdir və hər kvadrat metr üçün 50 qram ağırlığındadır.
Ekoloji Təmizlik: Boya zəhərli olmayan və təkrar emal edilə bilən materiallardan hazırlanır.
Yüksək Effektivlik: Bu boya həm avtomobilin mühərrikini gücləndirə, həm də akkumulyatoru doldura bilir. Sistem aktiv qalaraq avtomobil dayanarkən də enerji istehsalına davam edir.
İllik Performans Göstəriciləri
"Mercedes-Benz" iddia edir ki, ideal şəraitdə günəş boyası ilə avtomobil ildə 12 min kilometr məsafə qət edə bilər. Günəş boyasının səmərəliliyi günəşin intensivliyi, kölgə və coğrafi mövqe kimi amillərdən asılı olaraq dəyişir.
Almaniya (Ştutqart): Günəş boyası ilə gündəlik sürüş məsafəsinin 62%-ni təmin etmək mümkündür.
ABŞ (Los-Anceles): Günəşli bölgələrdə bu nisbət 100%-ə qədər çata bilər.
Müasir Materiallardan İstifadə
Texnologiyada istifadə edilən materiallar tam açıqlanmasa da, mütəxəssislər tərkibində yüksək günəş səmərəliliyi təmin edən perovskitlərin olduğunu ehtimal edir. Perovskitlər ucuz və effektiv günəş texnologiyalarında istifadə olunan materiallar arasında liderdir.
Elektromobillərin Gələcəyinə Təsiri
Mercedes-Benz bu texnologiyanın elektromobillərin geniş yayılmasında mühüm rol oynayacağını bildirir. Hələ araşdırma mərhələsində olan günəş boyasının istehsal tarixi dəqiqləşməsə də, texnologiya artıq diqqət mərkəzindədir.
Günəş boyası, həm ekoloji təsirləri azaltmaq, həm də elektromobillərin enerji təminatını optimallaşdırmaq baxımından yeni bir dövrün başlanğıcı ola bilər. Mercedes-Benz bu innovasiya ilə elektromobil sənayesində daha bir önəmli addım atmağa hazırlaşır.
11-12-2024, 20:00 | Messi Azərbaycan haqqında DANIŞDI
"Bakıya səfərimdə Azərbaycanın zəngin mədəniyyəti ilə tanış olmaq imkanı qazandım".
Bunu Bakı Kristal Zalında fanatları ilə görüşü zamanı əfsanəvi futbolçu Lionel Messi deyib.
"Mən öz komanda yoldaşlarım adından bu görüşün təşkilinə görə hər kəsə təşəkkür edirəm", - futbolçu vurğulayıb.
Qeyd edək ki, ABŞ-nin "Inter Miami" futbol klubunun əfsanəvi oyunçusu Lionel Messi və komanda yoldaşları Luis Suarez, Serxio Buskets (Sergio Busquets) və Xordi Albanın (Jordi Alba) Bakıda səfərdədirlər.
