31-07-2026, 10:04 | Miqrantlar sel kimi İspaniyaya axışdı – sərhəd yarıldı, ordu hərəkətə keçir
Mərakeşdən İspaniyanın Seuta şəhərinə minlərlə miqrantın keçməsi sərhəddə yeni miqrasiya dalğası yaradıb.
Respublica.az xəbər verir ki, Seuta Muxtar İdarəsi ölkədə milli fövqəladə vəziyyət elan edilməsini və ordunun sərhədə yerləşdirilməsini tələb edib.
Bildirilir ki, Mərakeşdən çox sayda miqrant Seuta istiqamətində sərhədi keçərək İspaniya ərazisinə daxil olmağa çalışıb.
İspaniya hökuməti isə Mərakeş hakimiyyətinin sərhədi keçməyə cəhd edən çoxsaylı miqrantların qarşısının alınması üçün əməkdaşlıq etdiyini açıqlayıb.(Musavat.com)
Respublica.az
27-07-2026, 07:07 | Putin miqrantlarla bağlı qanunu sərtləşdirdi
Rusiya Prezidenti Vladimir Putin miqrantların gəlirlərinə dair tələblərin sərtləşdirilməsini nəzərdə tutan yeni qanunu imzalayıb.
Respyblica.az xəbər verir ki, hüquqi aktların rəsmi dərc edildiyi portalda yerləşdirilən sənədə əsasən, Rusiyada çalışan əcnəbilər özlərini və öhdəliyində olan ailə üzvlərini dolandırmaq məcburiyyətində olacaqlar.
Təminat səviyyəsi miqrantın işlədiyi region üzrə regional əmsala vurulmuş adambaşına düşən yaşayış minimumundan aşağı ola bilməz. Miqrant eyni vaxtda bir neçə regionda fəaliyyət göstərərsə, hesablama ən yüksək yaşayış minimumu əsasında aparılacaq. Bundan əlavə, həmin məbləğ müvafiq subyektdəki orta aylıq əməkhaqqından çox olmamalıdır.
Xatırladaq ki, bir qədər əvvəl Dövlət Dumasının sədri Vyaçeslav Volodin miqrantların ölkədən çıxarılmasına (deportasiyasına) səbəb olan hüquqpozmaların siyahısının iki dəfədən çox artırılacağını bildirmişdi. Daxil olan düzəlişlərdən sonra deportasiya nəzərdə tutulan maddələrin sayı 22-dən 45-ə qaldırılıb./"Qafqazinfo"
Respyblica.az
12-04-2026, 07:09 | “Yeni Nostradamus”dan bütün dünya üçün dəhşətli PROQNOZ
[center]
[/center]Dünya sürətlə dəyişir və bu gün mümkünsüz görünən şey sabah reallığa çevrilə bilər. Özünü “Qiyamət günü peyğəmbəri” adlandıran məşhur ekstrasens Kreyq Hamilton-Parker Donald Tramp və onun prezidentliyi ilə bağlı narahatedici proqnoz səsləndirib ki, bu da mütləq müzakirələrə səbəb olacaq.
Yaxın Şərqdə gərginliyin kritik həddə çatdığı bir vaxtda Kreyqin proqnozları yenidən sınağa çəkilir və onlardan biri xüsusilə diqqət çəkir: o, Trampın üçüncü müddətə prezident seçiləcəyini öncədən gördüyünü iddia edir.
Üçüncü müddət proqnozunu əsaslandıran ekstrasens Kreyq belə deyib: “O vaxt vurğuladığımı yenə deyirəm: mən hiss edirdim ki, böyük qlobal münaqişə baş verəcək, bəlkə də Tayvanın iştirakı ilə. İndi baxanda bu, istənilən qlobal münaqişə ola bilər. Bilirəm ki, çoxları bunu tənqid edirdi və deyirdi ki, üçüncü müddət mümkün deyil, çünki bu Konstitusiyada yazılıb – amma kim bilir? Dünya çox dəyişib”.//Lent.az
Respublica.Az
12-04-2026, 06:56 | Hörmüz boğazı nə vaxt açılacaq?
ABŞ Prezidenti Donald Tramp Hörmüz boğazının yaxın vaxtlarda gəmiçilik üçün açılacağını bildirib.
Respublica.Az TASS-a istinadən xəbər verir ki, o, bu barədə jurnalistlərlə söhbətində deyib.
Tramp qeyd edib ki, boğazın açılması asan olmayacaq, lakin bunun tezliklə baş verəcəyini düşünür.
Onun sözlərinə görə, bu marşrutdan əsasən digər ölkələr istifadə edir və onun açılmasına da məhz onlar kömək edəcəklər.(Milli.az)
Respublica.Az
26-02-2026, 10:16 | Yaponiyada uçan taksilər sınaqdan keçirilir
Yaponiyanın "SkyDrive Inc." startapı sərnişin daşınması üçün nəzərdə tutulan pilotsuz uçuş aparatının ilk nümayiş xarakterli uçuşunu həyata keçirib.
Uzaqdan idarə olunan "SD-05" innovativ nəqliyyat vasitəsi "Mitsubishi Estate Co. və Kanematsu Corp." şirkətləri tərəfindən hazırlanıb. Aparat ilk uzaqdan idarə olunan uçuşunu Tokio körfəzi üzərində həyata keçirib. Uçuş təxminən dəqiqə yarım davam edib və aparat təxminən 150 metr məsafə qət edib.
"SD-05" pilotsuz aparatı 12 daşıyıcı vint və akkumulyator batareyaları ilə təchiz olunub. Bu xüsusiyyətlər sayəsində o, 15-40 kilometr məsafə qət edə bilir. Nəqliyyat vasitəsi üç nəfərin daşınması üçün nəzərdə tutulub.Trend-
16-02-2026, 15:05 | Qırğızstan prezidenti 3 naziri istefaya göndərdi
Qırğız Respublikasının Prezidenti Sadır Japarov daha 3 naziri vəzifəsindən azad edib.
Bu barədə Qırğızıstan dövlət başçısının Mətbuat xidməti məlumat yayıb.
Sadır Japarovun imzaladığı Fərmana əsasən, Meder Maşiyev təbii sərvətlər, ekologiya və texniki nəzarət naziri, Boobek Ajikeyev fövqəladə hallar naziri, Absattar Sırqabayev isə nəqliyyat və rabitə naziri vəzifəsindən azad edilib.
Nazirlərin vəzifələrindən azad edilmə səbəbləri açıqlanmayıb.
Xatırladaq ki, fevralın 10-u Qırğızıstan lideri yaxın silahdaşı, Dövlət Milli Təhlükəsizlik Komitəsinin (DTMK) sədri Kamçıbek Taşiyevi və onun üç müavinini istefaya göndərib. Fevralın 12-si isə Qırğızıstanın Ali Şurasının sədri Turgunbek Nurlanbek uulu istefa ərizəsini təqdim edib.
16-02-2026, 15:00 | İran nüvə proqramını sülh məqsədləri üçün davam etdirəcək - Araqçi
İran nüvə proqramını sülh məqsədləri üçün davam etdirəcək.
Milli.Az xəbər verir ki, bu barədə fevralın 16-da İran Xarici İşlər Naziri Əbbas Araqçi RT telekanalına müsahibəsində bildirib.
"Hazırda məqsədimiz sülh üçündür, bizə zənginləşdirmə hüququmuz var və biz bu hüququ istifadə etmək istəyirik", - deyə o bildirib.
Araqçi xatırladıb ki, Tehranda 1979-cu il inqilabından əvvəl ABŞ tərəfindən inşa edilmiş TRR tədqiqat reaktoru fəaliyyət göstərir. Reaktor xərçəng və digər xəstəliklərin müalicəsində istifadə olunan radioizotopları istehsal edir və 1 milyondan çox iranlının ehtiyaclarını ödəyir. Burada istifadə olunan yanacaq 20% zənginləşdirilib.
Nazir vurğulayıb ki, İran nüvə proqramı çərçivəsində yalnız sülh məqsədlərini nəzərə alır və ölkənin ehtiyaclarını aşmır.
27-08-2025, 13:49 | İş adamı müştərini küçədə öldürdü
Türkiyədə restoran sahibi müştərini qətlə yetirib.
Hadisə İzmirin Buca qəsəbəsində baş verib.
Restoranda 20 yaşlı Əmirxan Qaya ilə sahibkar Yılmaz E. arasında naməlum səbəbdən mübahisə yaranıb. Sonra tərəflər küçəyə çıxaraq, əlbəyaxa olublar. Bu zaman Yılmaz E. üzərindəki tapança ilə gənc oğlana atəş açıb. Bir neçə yerindən xəsarət alan zərərçəkən xəstəxanaya yerləşdirilib.
Lakin həkimlərin gördükləri tədbirlərə baxmayaraq, onu xilas etmək mümkün olmayıb.
Yılmaz E. isə polis tərəfindən saxlanılıb və araşdırma aparılır. /Lent.az
26-08-2025, 15:52 | "Amerika ordusu Ukrayna ordusundan geri qalır"
ABŞ yaxşı silahlar istehsal edir, lakin ordusunun hazırlıq səviyyəsi yəqin ki, Ukrayna Silahlı Qüvvələrindən aşağıdır.
Bu fikri ukraynalı hərbi analitik Aleksey Getman Vaşinqtonun Ukraynanın təhlükəsizliyinin təmin edilməsində mümkün rolundan danışarkən deyib.
"ABŞ ölkəmizi Rusiya zərbələrindən qorumaq üçün öz təyyarələri ilə Ukrayna səmasını bağlaya bilərmi?" sualına cavab olaraq ekspert Amerika ordusunun imkanlarını yüksək qiymətləndirmədiyini söyləyib.
"Bu, çox yaxşı olardı. Əslində biz ABŞ-ın quru qoşunlarının imkanlarını həddən artıq yüksək qiymətləndiririk, çünki biz əsasən Hollivud filmlərinə güvənirik. Amma faktlara nəzər salsaq, İkinci Dünya müharibəsindən sonra ABŞ Silahlı Qüvvələrinin heç bir uğurunu xatırlaya bilmərik. Onlar Koreya müharibəsini uduzdular, Vyetnam müharibəsini uduzdular, Əfqanıstandakı müharibəni uduzdular. "Səhrada tufan" əməliyyatı oldu, amma orada da koalisiya idi, ABŞ deyil...", - Getman bildirib.
Analitik vurğulayıb ki, o, Amerika ordusunun Ukrayna Silahlı Qüvvələrindən üstün olmadığına əmindir.
O hesab edir ki, ABŞ ordusu hətta təlim baxımından ukraynalı döyüşçülərdən də geridə qala bilər.
26-08-2025, 15:49 | İmamoğlunun vəkili də saxlanıldı
İstanbul Böyükşəhər Bələdiyyəsinin (İBB) həbsdə olan sədri Ekrem İmamoğlunun vəkili Nusret Yılmaz saxlanılıb.
Milli.Az Türkiyə KİV-ə istinadən xəbər verir ki, o, İBB-də aparılan korrupsiya istintaqı çərçivəsində
Qeyd edək ki, həbsindən sonra İstanbul Böyükşəhər Bələdiyyəsinin sədri vəzifəsindən uzaqlaşdırılan Ekrem İmamoğlu da daxil olmaqla, "Cinayət təşkilatına rəhbərlik etmək", "Cinayət təşkilatına üzv olmaq", "Qəsb", "Rüşvət", "Qəsdən fırıldaqçılıq", "Şəxsi məlumatların qanunsuz əldə edilməsi" və "Tender saxtakarlığı" ittihamları ilə müxtəlif şəxslər barəsində İstanbul Baş Prokurorluğu tərəfindən aparılan istintaq davam edir.
İstintaq çərçivəsində İmamoğlunun vəkili Nusret Yılmaz Trabzonda "Rüşvətə vasitəçilik etmək" ittihamı ilə saxlanılıb.
Onun İstanbul məhkəməsinə gətirilməsi gözlənilir.
