20-02-2024, 13:38 | Bu 4 universitetin ikili diplom proqramları üzrə qiymətləndirmə aparılır
"2023-cü il ərzində 13 ali təhsil müəssisəsinin institusional akkreditasiya qiymətləndirilməsi həyata keçirilib".
Bunu Təhsildə Keyfiyyət Təminatı Agentliyinin İdarə Heyətinin sədri Tural Əhmədov bildirib.
Onun sözlərinə görə, beş ildən bir müvafiq komissiyalar tərəfindən ali məktəblərin akkreditasiyası həyata keçirilir. 271 meyar üzrə qiymətləndirmə aparılır.
Bura Azərbaycan Texniki Universiteti, Bakı Dövlət Universiteti, Azərbaycan Dövlət İqtisad Universiteti, Azərbaycan Dövlət Pedaqoji Universiteti, Azərbaycan Memarlıq və İnşaat Universiteti, Azərbaycan Dövlət İqtisad Universitetinin Zaqatala filialı, Bakı Dövlət Universitetinin Qazax filialı, Sumqayıt Dövlət Universiteti, Xəzər Universiteti, Lənkəran Dövlət Universiteti, ADA Universiteti, Azərbaycan Tibb Universiteti, Bakı Mühəndislik Universiteti daxildir.
Tural Əhmədov bildirib ki, Azərbaycanda 4 ali təhsil müəssisəsində dövlət tərəfindən maliyyələşdirilən ikili diplom proqramı həyata keçirilir.
Onun sözlərinə görə, dövlət tərəfindən maliyyələşdirilən ikili diplom proqramlarının 4 ali təhsil müəssisəsi üzrə 3 ixtisaslaşma və 8 ixtisas üzrə proqram akkreditasiya qiymətləndirilməsi prosesi başlanılıb: "Bunlar ADA -Corc Vaşinqton Universiteti, Bakı Mühəndislik Universiteti - Koreyanın İNHA, Azərbaycan Dövlət Pedaqoji Universiteti - Corc Vaşinqton Universiteti və Azərbaycan Dövlət Aqrar Universiteti - Ege Universitetidir".
20-02-2024, 13:00 | Sabiq nazirin təyinatı müzakirəyə çıxarıldı
Fikrət Məmmədovun Konstitusiya Məhkəməsinin hakimi vəzifəsinə təyin edilməsi barədə məsələ parlamentin plenar iclasına tövsiyə olunub.
Bununla bağlı məsələ Milli Məclisin Hüquq siyasəti və dövlət quruculuğu komitəsinin videokonfrans formatında keçirilən iclasında müzakirəyə çıxarılıb.
Qeyd edək ki, Konstitusiyanın 109-cu maddəsinin 9-cu bəndinə uyğun olaraq, Prezident İlham Əliyev Fikrət Fərrux oğlu Məmmədovun Konstitusiya Məhkəməsinin hakimi vəzifəsinə təyin edilməsi haqqında Milli Məclisə təqdimat verib.
Xatırladaq ki, F.Məmmədov ədliyyə naziri olub.
19-02-2024, 12:43 | “Özümü çox pis hiss edirəm”: Cavidan Novruz
"Ata, səni xəstəxanaya özüm apardım. Çox sakit bir kəlmə dedi: "İşindən-gücündən niyə qalırsan ki? Sən ora gəlmə".
Ötən ilin bu günü, bu saatlarda səninlə canlı son görüşümüz oldu".
Bu sözləri mərhum Xalq artisti Ramiz Novruzovun aktyor oğlu Cavidan Novruzov sosial şəbəkə hesabında paylaşıb.
"Ata, səni xəstəxanaya özüm apardım. Çox sakit bir kəlmə dedi ki, "İşindən-gücündən niyə qalırsan ki? Sən ora gəlmə". Yenə də məhəl qoymadım, apardım və çox halsız idin, mənə çıxanda bir kəlmə dedin ki, "Hər şey əla olacaq", göz vurdu. Amma həmin gün heç nə əla olmadı və bir neçə saatdan sonra xəbər gələcək ki, sən artıq komadasan və mən isə çox əlacsız vəziyyətdə olacağam. Ata, sənin üçün anormalcasına darıxıram. Özümü hazırda çox pis hiss edirəm. Çox üzgünəm".
Qeyd edək ki, Ramiz Novruz uzun sürən mədə xərçəngindən ötən il fevralın 21-də 67 yaşında dünyasını dəyişib.
//lent.az/
19-02-2024, 12:40 | 1 ildə 63 bələdiyyə sədri məsuliyyətə cəlb edilib
Ötən il 63 bələdiyyə sədri məhkəmələr tərəfindən inzibati məsuliyyətə cəlb edilib.
Bu barədə Bələdiyyələrin fəaliyyətinə inzibati nəzarətin həyata keçirilməsi ilə bağlı 2023-cü il üzrə illik məruzədə qeyd edilib.
2023-cü il ərzində Azərbaycan Respublikası İnzibati Xətalar Məcəlləsinin 549-cu maddəsi ilə 76 bələdiyyə sədri barəsində inzibati xəta haqqında protokol tərtib edilərək məhkəmələrə göndərilib, həmin protokollar əsasında 63 bələdiyyə sədri məhkəmələr tərəfindən inzibati məsuliyyətə cəlb edilib. 13 inzibati xəta protokolu isə hazırda məhkəmələrin icraatındadır.
19-02-2024, 12:38 | 15 bələdiyyə üzrə cinayət işi başlanılıb - SİYAHI
2023-cü ildə bələdiyyə vəsaitinin təyinatına uyğun istifadə olunması zamanı aparılan araşdırmalar zamanı aşkar edilmiş qanun pozuntuları üzrə 30 halda toplanmış materiallar hüquqi qiymət verilməsi üçün aidiyyəti istintaq orqanlarına göndərilib.
Bu barədə Bələdiyyələrin fəaliyyətinə inzibati nəzarətin həyata keçirilməsi ilə bağlı 2023-cü il üzrə illik məruzədə qeyd edilib.
Məlumata görə, onlardan 15-i üzrə artıq cinayət işi başlanılıb.
Həmçinin, Ağcabədi rayonu Rəncbərlər bələdiyyəsi sədrinin bələdiyyə mülkiyyətinə aid 49.7 ha torpaq sahəsindən maddi maraq müqabilində ayrı-ayrı şəxslərin qanunsuz istifadəsinə şərait yaratması nəticəsində bələdiyyə büdcəsinə 104.370 manat maddi ziyan vurması faktı üzrə Azərbaycan Respublikasının Baş Prokuroru yanında Korrupsiyaya qarşı Mübarizə Baş İdarəsində Azərbaycan Respublikasının Cinayət Məcəlləsinin 178.2.3-cü, 178.2.4-cü (dələduzluq) və 312.1-ci (rüşvət vermə) mad- dələri ilə cinayət işi başlanılıb.
Abşeron rayonu Masazır bələdiyyəsinin sabiq sədri tərəfindən yerli büdcə və- saitlərinin mənimsənilməsi və bələdiyyə əmlakının israf edilməsi nəticəsində bə- lədiyyə büdcəsinə 124.320 manat maddi ziyan vurulması faktı üzrə Abşeron Rayon Prokurorluğunda Azərbaycan Respublikasının Cinayət Məcəlləsinin 178.2.2-ci, 178.2.3-cü, 178.2.4-cü, 179.3.2-ci (mənimsəmə və ya israf etmə), 308.1-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət İşi başlanılıb.
Şabran rayonu Rəhimli bələdiyyəsinin sədri tərəfindən kollegiallıq prinsip- lərinə əməl edilmədən bələdiyyə mülkiyyətinə aid torpaq sahələrinin ayrılması barədə təkbaşına qərar tərtib etməsi faktı üzrə Azərbaycan Respublikasının Baş Prokuroru yanında Korrupsiyaya qarşı Mübarizə Baş İdarəsində Azərbaycan Respublikasının Cinayət Məcəlləsinin 308.1-ci maddəsi ilə cinayət işi başlanılıb.
Gədəbəy rayonu Qoşabulaq bələdiyyəsinin sədri tərəfindən kollegiallıq prinsiplərinə əməl edilmədən təkbaşına bələdiyyənin adından qərarlar tərtib etməklə yanaşı, iclas protokollarında katib kimi qeyd olunan bələdiyyə üzvlərinin adlarının qarşısında imza etməsi faktı üzrə Gədəbəy Rayon Prokurorluğunda Azərbaycan Respublikasının Cinayət Məcəlləsinin 313-cü maddəsi ilə cinayət işi başlanılıb.
Daşkəsən rayonu Əhmədli bələdiyyəsi sədrinin vəzifə səlahiyyətlərindən sui istifadə etməsi, habelə vəzifə səlahiyyətlərini aşaraq bələdiyyə üzvlərinin əvəzinə İmza etməklə kollegial orqan olan bələdiyyənin adından təkbaşına qərarlar tərtib edərək bələdiyyənin qanuni mənafelərinə mühüm zərər vurması, habelə torpac sahəsinin icarəyə verilməsi barədə yalan vədlər verməsi faktı üzrə Daşkəsər Rayon Prokurorluğunda Azərbaycan Respublikasının Cinayət Məcəlləsinin 178.2.3-cü, 308.1-ci və 313-cü maddələri ilə cinayət işi başlanılıb.
Binəqədi rayonu Binəqədi qəsəbə bələdiyyəsinin qulluqçusu tərəfindər 45.000 manat müqabilində bələdiyyənin adından tərtib edilmiş saxta sənədlər əsasında 0.10 ha torpaq sahəsinin satılması faktı üzrə Azərbaycan Respublikasının Baş Prokuroru yanında Korrupsiyaya qarşı Mübarizə Baş İdarəsində Azərbaycanı Respublikasının Cinayət Məcəlləsinin 178.2.4-cü, 308.1-ci və 320.1-ci (saxta sənəd hazırlama və satma) maddələri ilə cinayət işi başlanılıb.
Qeyd olunanlarla yanaşı, Bakı şəhəri Sabunçu rayonu Pirşağı, Suraxanı rayonu Zığ, Binəqədi rayonu Biləcəri, Xəzər rayonu Şağan, Qusar rayonu Balaqusar, Tovuz rayonu Düz Cırdaxan və digər bələdiyyələrdə aşkar olunmuş qanun pozuntuları ilə bağlı cinayət işləri başlanılıb.
Həmçinin, Binəqədi rayonu Binəqədi qəsəbə, Biləsuvar rayonu Biləsuvar, Saatlı rayonu Çolpı və digər bələdiyyələrin fəaliyyətində yol verilmiş qanun pozuntuları ilə bağlı toplanmış materiallar istintaq orqanlarında baxılmaqdadır.
19-02-2024, 11:54 | Sağlamlığın tək ünvanı. Stimul Hospital
Bu gün respublikamızda kifayət qədər fəaliyyət göstərən özəl klinikalar vardır. Müasir tibbin standartlarına cavab verən bu klinikalar ən yeni avadanlıqlarla təchiz olunaraq əhaliyə xidmət göstərirlər. İnsanlar öz sağlamlıqlarını daha güvənli həkimlərə etibar etmələri üçün hər zaman savadlı,təcrübəli,müasir tibbi biliklərə yiyələnmiş peşəkar tibb mütəxəssislərinə daha çox ehtiyac duyurlar. Ən yeni nəsil tibb avadanlıqları ilə təchiz olunan,müasir dövrün tələblərinə cavab verən labaratoriyalar daim diqqət mərkəzində olaraq aktuallığını itirmir. Haqlı olaraq insanlar öz həyatlarını kimə etibar etməyin fərqində olaraq hansı şəfalı əllərdən dəqiq-dürüst müalicə alacaqlarının daim axtarışındadırlar.
2015-ci ildən fəaliyyətə başlayan Stimul Hospital paytaxtımızda ən öndə gedən qabaqcıl klinikalardan biri olaraq müasir tibbin tələblərinə
cavab verir.Sabunçu rayonunun Bakıxanov qəsəbəsində yerləşən ən böyük tibb müəssəsi kimi tanınan bu klinika insanların güvəndiyi və inandığı tibb mərkəzlərindən biridir. Savadlı,təcrübəli,peşəkar həkimlərlə təchiz olunmuş bu klinika müasir səhiyyənin bütün standartlarına cavab verərək gülərüzlü-qayğıkeş tibb personalı ilə birgə daim onlara pənah gətirmiş insanların həm etibarını və həm də inamını tam məsuliyyəti ilə qazanırlar.
Stimul Hospitalda günün tələblərinə cavab verməyi bacaran poliklinika,stasionar,təcili yardım,diaqnostika,laboratoriya,cərrahiyyə və sığorta şöbərəli fəaliyyət göstərir . Ölkəmizdə, Avropada,Rusiyada,Türkiyədə və Dünyanın bir çox aparıcı ölkələrində təhsil almış,təcrübə toplamış ,tibb üzrə elmi dərəcələr almış onlarla həkimlər öz şəfalı əlləri ilə passentlərinə yüksək səviyyədə xidmət göstərirlər. Sevindirici haldır ki,Stimul Hospitala pənah gətirmiş xəstələr böyük ruh yüksəkliyi,inamla və xoş əhval-ruhiyyə ilə öz isti ocaqlarına dönmüş olurlar. Düzgün laborator analizlər,dürüst diaqnoz,dəqiq proseduralar və ideal həkim müayinəsi günümizin,peşəmizin əsas prioritetidir deyir baş Həkim Novruz doktor.
Novruz doktorun dediklərindən:Bizə etibar etmiş insanların inamını qazanmaq,onların böyük ümidlə yola salınması,düzgün müalicə aparılması üçün bütün lazımi variantlardan istifadə edilməsi bizim ən ümdə şərəf borcumuzdur. Və onda da ən böyük qazancımız və ən böyük mükafatımız xəstələrin bizə ehtibar edib,inanıb və şəfa tapıb dogmalarına qovuşmasıdır. Klinikamızda çalışan onlarla mükəmməl tibbi m
ütəxəssislərimiz bu şərəfli peşənin öhdəsindən çox layiqincə gəlirlər deyə Novruz həkim xususi olaraq vurğulayır.
Stimul Hospitalın sahibi Bəxtiyar müəllimin dediklərindən:
Yüksək səviyyədə xidmət göstərmək,tibb personalının ixtisas və elmi biliklərini artırmaq, tibb dünyasının yenilikləri ilə,qabaqcıl müayinə və diaqnostik avadanlıqlarla tanış etmək məqsədi ilə mütəmadi dinləmələr,seminarlar keçirilir. Məqsədimiz bizi deyib gələnlərə düzgün,dürüst tibbi xidmətlər göstərmək,bizə olan etibarı doğrultmaqdır. Başqa klinikalara nisbətdə klinikamızda qiymətlər münasibdir. Əsas prioritetimiz ən müasir avadanlıqlarla təchiz olunaraq dövrün tələblərinə cavab verən yeni nəsil tibb standartları ilə bizə etibar edən passentlərimizə yüksək səviyyədə xidmət göstərməkdir. Stimul Hospitalda təmizliyə,gigiyena qaydalarına,anti-sanitariyaya xususi diqqət göstərilir.
Çalışlrıq ki,bizə olan etibarı öz əməli işimizlə doğruldaq. İşgüzar kollektivimiz hər zaman çalışır ki,qoy bizə pənah gətirmiş insanlar bizdən razı qalsınlar,xidmətimizdən məmnun olsunlar.İctimai işlərdə də hər zaman fəallıq göstəririk. Müəyyən aksiyalarda könüllü olaraq iştirak edirik.Şəhid ailələrinə,qazilərə,aztəminatlı ailələrə daim diqqət və qayğı göstərərək onların problemləri ilə maraqlanıb köməyimizi əsirgəmirik. -7-fevral prezident seçkilərində bütün kollektivimiz hamı bir nəfər kimi iştirak edərək qalib xalqın qalib lideri İlham Əliyev cənablarına etibar edərək səs verdilər. Bir sahibkar kimi hər zaman Ulu Öndərin layiqli davamçısı Cənab İlham Əliyevin yeritdiyi siyasəti hər zaman dəstəkləyərək öz əməli işimizlə başqalarına nümunə olmağa çalışmışıq. Cənab prezidentin tövsiyyələrinə rəğmən Dövlətimizin çiçəklənməsi naminə iqtisadiyyatımızın qüdrətlənməsində yaxından iştirak etməyimizi özümizə borc bilmişik. Ulu Öndərimiz Heydər Əliyevin dediyi kimi:İqtisadiyyatı güclü olan dövlət hər şeyə qadirdir. Sevindirici haldır ki, doğrudanda bu gün səhiyyəmiz,müasir tibb dünyamız dünyanın aparıcı dövlətlərinin səhiyyəsindən heç də geridə qalmır və öndə gedir.
Son olaraq bizdə Stimul Hospitalın Rəhbərliyinə,şəxsən baş həkim Novruz həkimə,tibb personalına,işgüzar kollektivinə və sahibkar Bəxtiyar müəllimə öz minnətdarlığımızı bildirir,yeni-yeni nailiyyətlər və işlərində ugurlar arzu edirik.Biz isə xalqımıza sağlam can sağlığı və sağlamlığının qaydına qalması üçün düzgün ünvana Stimul Hospitala müraciət etməyi məsləhət görürük. Devizimiz isə budur:
Sağlamlığının qayğısına qal-
Tək məkanı Stimul Hospital .
Buyur! Sonrada razı qal.
16-02-2024, 12:34 | Seyid Ardıç İlham Əliyevi təbrik edib
Ankara Sənaye Palatasının İdarə Heyətinin sədri Seyid Ardıç Prezidenti İlham Əliyevə təbrik məktubu göndərib.
president.az-a istinadən bildirir ki, məktubda deyilir:
"Cənab Prezident.
İşğaldan azad edilmiş ərazilər də daxil olmaqla bu il fevralın 7-də bütün Azərbaycanda keçirilən prezident seçkilərində qazandığınız qələbə münasibətilə Sizi təbrik edirəm.
Seçkilərin nəticələrinin Azərbaycan xalqı üçün xeyirli olmasını diləyirəm.
Qardaş ölkələr olan Azərbaycan və Türkiyə arasında münasibətlərin "Bir millət, iki dövlət" prinsipi əsasında daha da möhkəmlənəcəyinə inanıram.
Cənab Prezident, Sizə dərin ehtiramımı bildirir, fəaliyyətinizdə uğurlar arzulayıram".
16-02-2024, 12:11 | Emil Kızayev İlham Əliyevi təbrik edib
Qırğızıstan Həmkarlar İttifaqları Federasiyasının sədri Emil Kızayev Azərbaycan Respublikasının Prezidenti İlham Əliyevə təbrik məktubu ünvanlayıb.
president.az-a istinadən bildirir ki, məktubda deyilir:
"Möhtərəm cənab Prezident.
Prezident seçkilərində inamlı qələbəniz münasibətilə Qırğızıstan Həmkarlar İttifaqları Federasiyası adından səmimi təbriklərimizi qəbul etməyinizi xahiş edirəm.
Bu qələbə Sizin Azərbaycan Prezidenti vəzifəsində fədakar fəaliyyətinizin məntiqi nəticəsi və xalqın gələcəkdə də respublikanın sosial-iqtisadi inkişafı, suverenliyinin möhkəmləndirilməsi və beynəlxalq arenada nüfuzunun yüksəldilməsi kursuna dəstəyinin təzahürüdür.
Əminik ki, Sizin rəhbərliyiniz altında qardaş xalqlarımız arasında mədəni və mənəvi bağlar daha da möhkəmləndiriləcək, ikitərəfli əməkdaşlıq, o cümlədən respublikalarımızın milli həmkarlar ittifaqları arasında əlaqələr inkişaf edəcəkdir.
Qırğızıstan Həmkarlar İttifaqları Federasiyası Sizin şəxsinizdə bütün Azərbaycan xalqını demokratiyanın, ədalətin və həmrəyliyin təntənəsi münasibətilə təbrik edir, Sizə möhkəm cansağlığı və ali dövləti fəaliyyətinizdə yeni nailiyyətlər, qardaş Azərbaycan xalqına isə sülh və əmin-amanlıq arzulayır".
16-02-2024, 12:06 | Əli Əsədov Baş nazir təyin edildi - YENİLƏNİB
Əli Əsədovun Baş nazir postuna namizədliyi səsverməyə qoyularaq qəbul edilib.
----------
10:26
Milli Məclisdə Əli Əsədovun Baş nazir vəzifəsinə təyinatı məsələsi müzakirəyə çıxarılıb.
Onun namizədliyi Prezident İlham Əliyev tərəfindən irəli sürülüb.
Milli Məclisin sədri Sahibə Qafarova məsələ ilə bağlı deputatlara məlumat verib.
Daha sonra deputatlar məsələ ilə bağlı fikirlərini bölüşüblər.
Ətraflı
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov bildirib ki, Prezident İlham Əliyevin andiçmə mərasimindəki çıxışı Azərbaycanın gələcək inkişaf perspektivlərini müəyyən edən yol xəritəsi idi: "Bu xəritədə də Azərbaycanın inkişaf perspektivləri, gələcəyi haqqında çox nikbin mesajlar verdi. Hesab edirəm ki, Azərbaycanın bundan sonra sosial-iqtisadi inkişafı ilə əlaqədar məsələlər, iqtisadiyyatın daha da dirçəldilməsi üçün qarşıda duran məsələlər onu deməyə əsas verir ki, Azərbaycanda güclü baş nazir olmalıdır. Hesab edirəm ki, Əli Əsədov bu sahədə peşəkar kadrdır. Onun baş nazir vəzifəsindəki 5 illik fəaliyyəti göstərir ki, yerində olan kadrdır".
--------
09:45
Bu gün Azərbaycanın yeni Baş naziri təyin ediləcək.
, Əli Əsədovun Azərbaycan Respublikasının Baş naziri vəzifəsinə təyin edilməsinə razılıq verilməsi haqqında" məsələ Milli Məclisin bu gün keçiriləcək iclasının gündəliyinə daxil edilib.
Qeyd edək ki, fevralın 14-də yenidən Azərbaycan Prezidenti seçilmiş İlham Əliyevin inauqurasiyasından sonra qanunvericiliyə uyğun olaraq Nazirlər Kabineti istefa verib.
Konstitusiyanın 118-ci maddəsinə görə, Baş naziri Milli Məclisin razılığı ilə Prezident təyin edir. Baş nazir vəzifəsinə namizədlik haqqında təklifi Prezident öz vəzifələrinin icrasına başladığı gündən bir ay və ya Nazirlər Kabinetinin istefa verdiyi gündən iki həftə müddətindən gec olmayaraq Milli Məclisinin müzakirəsinə təqdim edir. Milli Məclis Baş nazir vəzifəsinə namizədlik haqqında qərarı həmin namizədliyin təqdim edildiyi gündən bir həftədən gec olmayaraq qəbul edir. Göstərilən qayda pozularsa və ya Prezidentin təqdim etdiyi namizədlərin Baş nazir vəzifəsinə təyin olunmasına üç dəfə razılıq verilməzsə, Prezident Baş naziri Milli Məclisin razılığı olmadan təyin edə bilər.
16-02-2024, 11:52 | "Azərsığorta"nın lisenziyası ləğv edildi
Azərbaycan Respublikasının Dövlət Sığorta Kommersiya Şirkətinin və "Azərsığorta" Açıq Səhmdar Cəmiyyətinin fəaliyyətinin təşkili haqqında" Azərbaycan Respublikası Prezidentinin 2022-ci il 16 iyul tarixli 1751 nömrəli Fərmanının ləğv edilməsi barədə Azərbaycan Respublikasının Prezidenti tərəfindən 31 yanvar 2024-cü il tarixli Fərman imzalanıb.
Qeyd edilən Fərman əsasında Azərbaycan Mərkəzi Bankının İdarə Heyətinin 14 fevral 2024-cü il tarixli qərarı ilə Azərbaycan Respublikasının Dövlət Sığorta Kommersiya Şirkətinə sığorta fəaliyyətinə verilmiş 14 oktyabr 2009-cu il tarixli, 000270 nömrəli lisenziya ləğv edilib.
