13-02-2020, 14:33 | Bu məntəqələrdə səsvermənin nəticələri ləğv olundu
Parlament seçkiləri ilə əlaqədar 111 saylı Zaqatala Seçki Dairəsi üzrə 2, 123 saylı Kəlbəcər Seçki Dairəsi üzrə 1 seçki məntəqəsində səsvermənin nəticəsi ləğv olunub.
111 saylı Zaqatala Dairə Seçki Komissiyasının sədri Zöhrab İsmayılov APA-ya açıqlamasında bildirib ki, dairə üzrə 4 və 43 saylı seçki məntəqələrində müəyyən qayda pozuntularına yol verilməsi ilə bağlı komissiyaya məlumat daxil olub.
Daxil olan şikayət araşdırılıb və həmin məntəqələrdə müəyyən qanun pozuntularına yol verildiyi təsdiq olunub. Komissiyanın qərarı ilə həmin məntəqələrdə səsvermənin nəticələri etibarsız sayılıb.
123 saylı Kəlbəcər Dairə Seçki Komissiyasının sədri Adil Murtuzayev də APA-ya açıqlamasında bildirib ki, dairə üzrə 10 saylı seçki məntəqəsində seçicilərin iradəsini müəyyən etmək mümkün olmadığına görə, həmin məntəqədə səsvermənin nəticələri ləğv edilib.
13-02-2020, 14:29 | Prezident İlham Əliyev milli komandamızı təbrik etdi
Prezident İlham Əliyev Azərbaycanın Güləş üzrə Milli komandasını qələbə münasibətilə özünün "Twitter" sosial şəbəkəsindəki səhifəsində təbrik edib.
Prezident yazıb: "Avropa çempionatında yunan-Roma güləşi üzrə tarixdə ilk dəfə 6 medal qazanan milli komandamızın möhtəşəm qələbəsi münasibətilə idmançılarımızı, məşqçilərimizi və bütün #Azərbaycan xalqını ürəkdən təbrik edirəm".
10-02-2020, 09:48 | Amerika Yəhudi icmasının üzvü: İlk dəfə Azərbaycanda hökumətin milli azlıqlara göstərdiyi hörməti gördüm
Nyu Yorkdakı Amerika ictimaiyyətinin nümayəndələr missiyasının müşahidəçisi, Buxara Yəhudiləri Konqresinin ABŞ və Kanadadakı əlaqələndiricisi Rafael Nektal jurnalistlərə Azərbaycanda aldığı təəssüratlar barədə danışdı.
Azərbaycanda növbədənkənar seçkilərlə bağlı press-konfransda Nektal bildirib ki, Azərbaycandakı yəhudi icması ilə görüşəndə əvvəlcə ölkənin hökumətinin milli azlıqlara göstərdiyi hörməti gördü.
Nektal dedi: "Bakıda və Qubada oldum və hər iki şəhərdə həm küçəni, həm də yəhudi mənşəli olan Azərbaycanın milli qəhrəmanı Albert Agarunovun abidəsini seyr etmək xoş idi. Yerli əhalinin Krasnaya Slobodadakı dağ yəhudilərinə, Bakıdakı Ashkenazi və Gürcü yəhudiləri icmalarına necə hörmət etdiyini gördüm, müsəlmanlarla yəhudilər arasında qarşılıqlı yardım və hörmət körpüsünün nə qədər inkişaf etdiyinə təəccübləndim
O, Albert Agarunovun tərcümeyi-halından əlavə, 20 Yanvar hadisələri və digər Azərbaycan cəmiyyətini müstəqillik yolunda sarsıdan hadisələrlə də tanış olduğunu və yəhudi xalqının sınaqları ilə paralel çəkərək burada cəmiyyətin necə bir olduğunu başa düşdüyünü söylədi.
Bundan əlavə, onların missiyasının ölkənin müxtəlif mədəni və dini görməli yerlərini ziyarət etdiklərini və Azərbaycanda olmalarından məmnun olduqlarını qeyd etdi.
Qeyd edәk ki, fevralın 9-da Azәrbaycanda növbәdәnkәnar parlament seçkilәri keçirilib.
Seçkilərdə 1314 nəfər namizəd iştirak edib. Namizədlərdən 246 nəfəri 19 siyasi partiyanın təmsilçisidir, 1057 nəfəri fərdi qaydada namizədliyini irəli sürüb, 11 nəfərin namizədliyi isə təşəbbüs qrupu tərəfindən irəli sürülüb.
Seçki günü ərzində Azərbaycanda 125 dairə üzrə 5426 daimi seçki məntəqəsi fəaliyyət göstərib.
Seçkilərin gedişini 883 beynəlxalq və 77 790 yerli müşahidəçi izləyib. Yerli müşahidəçilərdən 35 152-i siyasi partiyaların müşahidəçiləridir. Beynəlxalq müşahidəçilər 58 ölkəni və 59 təşkilatı təmsil edib.
10-02-2020, 09:44 | Azərbaycan və Rusiya xalqlarını böyük gələcək gözləyir - rusiyalı deputat
Azərbaycan və Rusiyanı böyük gələcək gözləyir.
Rusiya Dövlət Dumasının "Yedinaya Rossiya" partiyasından olan deputatı Maksim İvanov mətbuat konfransı zamanı deyib.
Onun sözlərinə görə, ölkədə parlament seçkiləri həqiqətən kifayət qədər yüksək səviyyədə keçirilib:
"Azərbaycanda baş verən müsbət dəyişikliklər aydın görünür. Bu, infrastrukturun, vətəndaş cəmiyyətinin yaradılmasıdır, insanlar üçün rahat bir mühitin olmasıdır və bu gün Bakı sakinləri ilə söhbət edərkən insanların bu dəyişikliklərin yaxşıya doğru getdiyi barədə danışdıqlarını eşitdik".
O, həmçinin Azərbaycan və Rusiyanı böyük bir gələcək gözlədiyini və bundan sonra birlikdə irəliləyəcəyimiz barədə fikir söyləyib.
Millət vəkili Lyudmila Kozlova da öz növbəsində qeyd edib ki, seçkilərin açılışında çox sayda müşahidəçi və çox sayda jurnalist olub. O, ərazilərdə hər hansı bir hadisənin olmadığını da qeyd edib.
Dövlət Dumasının deputatı Sergey Markovun şərh etdiyi kimi, ən vacib müşahidə ondan ibarətdir ki, seçkilər ədalətli olsun və Azərbaycan xalqının iradəsini təcəssüm etdirsin.
Qeyd edәk ki, fevralın 9-da Azәrbaycanda növbәdәnkәnar parlament seçkilәri keçirilib.
Seçkilərdə 1314 nəfər namizəd iştirak edib. Namizədlərdən 246 nəfəri 19 siyasi partiyanın təmsilçisidir, 1057 nəfəri fərdi qaydada namizədliyini irəli sürüb, 11 nəfərin namizədliyi isə təşəbbüs qrupu tərəfindən irəli sürülüb.
Seçki günü ərzində Azərbaycanda 125 dairə üzrə 5426 daimi seçki məntəqəsi fəaliyyət göstərib.
Seçkilərin gedişini 883 beynəlxalq və 77 790 yerli müşahidəçi izləyib. Yerli müşahidəçilərdən 35 152-i siyasi partiyaların müşahidəçiləridir. Beynəlxalq müşahidəçilər 58 ölkəni və 59 təşkilatı təmsil edib.
10-02-2020, 09:43 | MSK: "7 seçki dairəsində lider namizədlər müəyyənləşməyib" - SİYAHI
Fevralın 9-da Milli Məclisə keçirilən seçkilərdə 7 seçki dairəsində lider namizədlər müəyyənləşməyib.
Mərkəzi Seçki Komissiyasının sədri Məzahir Pənahov açıqlayıb.
Həmin seçki dairələri üzrə lider namizədlər yaxın saatlarda açıqlanacaq.
Beləliklə, hələlik aşağıdakı seçki dairələri üzrə lider namizədlər müəyyənləşməyib:
- 17 saylı Yasamal Üçüncü Seçki Dairəsi
- 35 saylı Xətai Üçüncü Seçki Dairəsi
- 42 saylı Sumqayıt İkinci Seçki Dairəsi
- 44 saylı Sumqayıt-Xızı Seçki dairəsi
- 77 saylı Astara Seçki Dairəsi
- 123 saylı Kəlbəcər Seçki Dairəsi
- 125 saylı Zəngilan-Qubadlı Seçki Dairəsi
10-02-2020, 09:32 | Qırğızıstanlı müşahidəçi: "Heç bir mənfi halla qarşılaşmadıq"
Azərbaycanda fevralın 9-da keçirilən parlament seçkiləri baş tutub və buna görə Azərbaycan xalqını təbrik edirəm.
Milli Məclisə fevralın 9-da keçirilən növbədənkənar seçkilərin nəticələri ilə əlaqədar keçirilən tədbirdə Qırğızıstandan olan beynəlxalq müşahidəçi Almazbek Batırbekov deyib.
Onun sözlərinə görə, müşahidə apardıqları məntəqələrdə seçki prosesi zamanı heç bir qanun pozuntusuna rast gəlməyiblər: "Müşahidələrimiz zamanı heç bir mənfi halla qarşılaşmadıq. Mərkəzi Seçki Komissiyasının da işindən razı qaldıq. Bizi daha çox məmnun edən hal o oldu ki, MSK bütün qərarları kollegial qaydada qəbul edirdi".
Azərbaycanda seçkiləri müşahidə etmək üçün yaratdıqları şəraitə görə Azərbaycan hökumətinə təşəkkür edən A.Batırbekov Şamaxı və Qobustanda, eləcə də Bakıda müşahidə apardıqlarını söyləyib
Seçkilərdə iştirak edən namizədlərin təxminən 20 faizinin qadın və gənclərin olduğunu müsbət məqam kimi xüsusi vurğulayan beynəlxalq müşahidəçi əlavə edib ki, qaçqın və məcburi köçkünlərin seçki prosesində iştirakı da çox qənaətbəxş idi.
7-02-2020, 14:53 | Ən layiqli namizədlərə səs verək
“Azərbaycan İnformasiya Agentliyi” (aia.az) saytının Sosioloji Sorğu Mərkəzinin əməkdaşları tərəfindən 20 saylı Nərimanov 2-ci seçki dairəsi üzrə keçirilmiş sorğunun nəticələrinə dair hesabat
Məlum olduğu kimi, bu gün, yanvar ayının 17-də 2020-ci il fevralın 9-na təyin edilmiş Azərbaycan Respublikasının Milli Məclisinə seçkilərdə iştirak edəcək namizədlərin seçkiqabağı təşviqat və təbliğat kampaniyasına start verilmişdir. Bununla bağlı aia.az saytının Sosioloji Sorğu Mərkəzi də fəaliyyətini aktivləşdirmişdir. Mərkəzin əməkdaşları bu dəfə 20 saylı Nərimanov 2-ci seçki dairəsinin əhatə etdiyi ərazidə ictimai rəy sorğusu keçirmişlər. Məqsəd bu seçki dairəsində hansı namizədin daha çox seçici rəğbətinə malik olduğuna aydınlıq gətirmək idi. Qeyd edək ki, maksimum dolğun və obyektiv informasiya əldə etmək üçün sorğu rayonun müxtəlif ərazilərində, əhalinin bir çox sosial təbəqələrini təmsil edən insanlar arasında aparılmışdır. Təxminən 6 saat davam edən prosesə 134 nəfər vətəndaş cəlb olunmuşdur. Sorğuda iştirak edənlərdən 11 nəfəri hələlik seçimdə tərəddüd etdiklərini bildirmişlər. Qalan 123 respondentdən 89 nəfəri isə sualımızı “mən köhnə deputatımıza səs verəcəyəm” – deyə cavablandırmışlar. Beləliklə, sorğuda iştirak edənlərin 66,4 faizi Milli Məclisə deputatlığa namizəd Adil Əliyevə etimad göstərəcəklərini bildirmişlər.
Adil Abış oğlu Əliyev 1969-cu ildə Naxçıvan Muxtar Respublikasının Şərur rayonunun Maxta kəndində anadan olmuşdur. 1992-ci ildən İdman Ustasıdır. 1992-ci ildə Rusiya Federasiyasının Sankt-Peterburq şəhərindəki M.V.Frunze adına Ali Hərbi Dənizçilik Akademiyasını bitirib. 1992-1993-cü illərdə Azərbaycan Respublikasının Hərbi Dəniz Qüvvələrində zabit kimi xidmət edib. 1994-2003-cü illərdə Daxili İşlər orqanlarında müxtəlif vəzifələrdə — Bakı şəhəri Səbail rayon 39-cu polis bölməsində rəis müavini, Nəqliyyatda Baş Polis İdarəsinin Bərə keçid bölməsinin rəisi, Binəqədi rayon Polis İdarəsinin Narkotiklərlə Mübarizə bölməsinin rəisi, Yasamal rayon Polis İdarəsinin Cinayət Axtarış Şöbəsinin rəisi işləyib. 1998-ci ildə Daxili İşlər Nazirliyinin Polis Akademiyasını bitirib. 2000-ci ildə "Polis Əlaçısı" olub.
2000-ci ildən Azərbaycan Kikboksinq Federasiyasının prezidentidir. 2003-cü ildə polis polkovnik-leytenantı rütbəsinə layiq görülüb. 2004-cü ildə Bakı Dövlət Universitetinin magistraturasını bitirib.
2003-2005-ci illərdə Bakı şəhəri Nərimanov rayon Polis İdarəsinin 16-cı bölməsinin rəisi işləyib.
2005-ci ildə Azərbaycan Respublikası Prezidentinin Fərmanı ilə "İgidliyə görə" dövlət mükafatı ilə təltif edilib. 2009-cu ildə MDB Müdafiə və Təhlükəsizlik Komitəsinin Sədr müavini işləyib.
9 aprel 2013-cü ildə hüquq üzrə Fəlsəfə doktoru elmi dərəcəsi almışdır.
Ailəlidir, üç övladı var.
Bu materialmızda da sorğuda iştirak edən vətəndaşların etimad göstərəcəkləri namizəd barədə söylədikləri maraqlı fikirlərdən bəzilərini sizlərə təqdim edirik.
Nərimanov rayon sakini, müəllim: “Adil müəllim artıq neçə ildir ki, bizi parlamentdə təmsil edir. Həm də o, bu işin öhdəsindən layiqincə gəlir. Bəzən seçicilərin öz deputatlarından gileyləndiklərini eşidəndə heyrətlənirəm. Axı necə ola bilər ki, millət vəkili ona mandat vermiş insanların qayğıları ilə maraqlanmasın? Adil müəllim belə deputatlardan olmayıb. Hər zaman ya özü, ya nümayəndəsi ona müraciət edən vətəndaşı mütləq qəbul edib, dinləyib və problemini həll edib. Həmçinin özü də tez-tez seçicilərlə görüşlər keçirib, qayğılarımızla maraqlanıb. İstənilən halda, bizim öz deputatımızı dəyişmək üçün heç bir əsasımız yoxdur. İnanıram ki, məhz Adil Əliyev bundan sonra da bizi artıq yeni parlamentdə də ləyaqətlə təmsil edəcək...”
Nərimanov rayon sakini, bank işçisi: “Şəxsən mən cənab Adil Əliyevə səs verəcəyəm. Özüm bu əraziyə nisbətən yeni köçsəm də, artıq qonşularımdan Adil müəllimin necə bir millət vəkili olması barədə çox xoş rəylər eşitmişəm. Bundan da başqa, mən Adil Əliyevin fəaliyyətilə hər zaman maraqlanmışam. Bu gün biz stabil, çiçəklənən, demokratik bir dövlətdə yaşayırıq. Və hamımız da bu dəyərləri qorumaq lazım olduğunu yaxşı bilirik. Məhz bu baxımdan da düşünürəm ki, ölkənin ali qanunverici orqanında Adil Əliyev kimi mərd, dürüst, xalqına, dövlətinə və ölkə rəhbərliyinə hər zaman sədaqətilə seçilən insanların təmsil olunmağı son dərəcə vacib şərtdir. ”
Nərimanov rayon sakini, təqaüdçü: “Mən öz səsimi elə köhnə deputatımıza, Adil müəllimə verəcəyəm. Hamını da buna çağırıram. Deyim, nəyə görə. Bu gün mənim üçün həyata ən dəyərli amil balalarımızın gələcəyidir. Uşaq və gənclərimiz milli-vətənpərvər ruhda tərbiyə olunmalıdırlar, sağlam həyat tərzi yaşamalıdırlar, elmdə, idmanda uğurlar qazanmalıdırlar. Budur bizim gələcəyimiz. Dövlət başçımızın da bütün siyasəti ilk növbədə məhz elə buna yönəlib. Elə bu məqsədlərə nail olmaq üçün də bütün sahələrdə bu ideallara sadiq kadrlar əyləşməlidirlər. Adil Əliyev şərəfli bir zabitdir, idman federasiyasının rəhbəridir və hüquqşünas-alimdir. Gənclərimiz üçün bundan yaxşı örnək ola bilərmi? Biz öz deputatımızı dəstəkləməliyik, o da dövlətimizin idman və gənclər siyasətinin həyata keçirilməsi istiqamətində fəaliyyətini bundan sonra daha səmərəli şəkildə davam etdirməlidir...”
Beləliklə, bu, bizim 2020-ci il fevralın 9-na təyin edilmiş Azərbaycan Respublikasının Milli Məclisinə seçkilərlə bağlı keçirdiyimiz on beşinci sorğunun nəticələri barədə hazırladığımız material idi. Növbəti saylarımızda digər seçki dairələrində apardığımız sorğular barədə ətraflı məlumatları da sizlərə təqdim edəcəyik.
aia.az
7-02-2020, 12:52 | Mikayıl Cabbarov: "Azərbaycan iqtisadiyyatında KOB-un rolu artır"
Azərbaycanın dayanıqlı iqtisadi inkişafının təmin olunmasında sahibkarlığın rolu gündən-günə artır.
Bunu İqtisadiyyat naziri Mikayıl Cabbarov Xaçmazda KOB Evinin açılışı mərasimində deyib.
Nazir bildirib ki, həyata keçirilən iqtisadi islahatların prioritet istiqamətlərindən biri kiçik və orta biznesin iqtisadiyyatın aparıcı amilinə çevrilməsidir.
M.Cabbarov vurğulayıb ki, "Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı"nın icrasının birinci ilinin yekunlarına həsr olunan konfransı zamanı Prezident İlham Əliyev əsas hədəflər qismində sahibkarlığın inkişafı, ortamüddətli dövrdə ÜDM-in əsas hissəsinin iqtisadiyyatın bu sektoru hesabına formalaşmısını və bu sahədə məşğulluğun artmasını müəyyən edib.
Nazir əlavə edib ki, sahibkarlara dövlət dəstəyi tədbirlərinin davamı qismində Xaçmazda yaradılmış KOB Evi və Mərkəzi sahibkarlara keyfiyyətli və şəffaf xidmətlərin təqdim olunması baxımından rahat platformadır.
7-02-2020, 12:32 | Zaqatalada yol polisi əməkdaşlarına qarşı ictimai münasibət dəyişir
Yol polisi əməkdaşlarının daşıdıqları vəzifə olduqca məsuliyyət və tələbkarlıq tələb edir. Belə ki, illər öncə yol polisi sahəsində yaşanan problemlər, əksəriyyətin üzləşdiyi olaylar, əmələ gələn çoxsaylı qanunsuzluq halları və s. zaman-zaman ictimai müzakirələrə səbəb olurdu. Hətta elə hallar da olurdu ki, bu sahədə çalışan əməkdaşların atdıqları addımların bəziləri, tam əksəriyyət tərəfindən qınaq obyektinə də çevrilirdi. Çünki, bəzən çoxsaylı sürücülər yol polisi əməkdaşlarının əsassız hədələri, qanunsuz tələbləri, rüşvət tələb etmək adımları ilə üz-üzə qalırdılar. Yəni, elə hallar da olurdu ki, heç bir əsas olmadan müəyyən addımları əsas gətirmək şərtilə sürücülərə protokollar tərtib olunur, onlar yol polisi şöbələrində günlərlə getgələ də salınırdılar. Bir sözlə, əsas narazılıq hissinin baş qaldırmasına səbəb olan amillərin kökündə, yol polisi əməkdaşlarının sürücülərdən rüşvət tələbetmələri, heç bir əsas olmadan onları incitmələri, getgələ salmaları, saysız-hesabsız xoşagəlməz olaylarla üz-üzə qoymaları olurdu.
Yəni, hər kəs o faktın varlığını təsdiq edir ki, neçə illər bundan əvvələ qədər bu kimi amillərin varlığı yol polisinin daxili aləminə o qədər sirayət etmişdi ki, yaşanan problemlərin həll olunması, sanki hər kəsdə müəyyən şübhələrin baş qaldırmasına da səbəb olmuşdu. Bütün bunlara baxmayaraq, illər keçdikcə yeni dövr ortaya yeni tələblərin çıxmasını zəruri etdi. Yəni, zaman keçib illər bir-birini əvəzlədikcə, yol polisi sahəsində fərqli ab-hava formalaşmağa başladı. Belə ki, bu sahədə idarəçiliyin fərqli forması tətbiq olundu, yol polisi əməkdaşlarının sürücülərə qarşı ata biləcəkləri addımlarla bağlı lazımi maarifləndirmə tədbirləri həyata keçirildi, onların əmək haqları artırıldı, lazımi texniki avadanlıqlarla təminatları yaxşılaşdırıldı. Bütün bunlar da onu söyləməyə əsas verir ki, bu gün yeniləşən respublikamızda yol infrastrukturunun yenidən qurulması, müasir tipli işıqforların, yol ötürücülərinin, hərəkəti tənzimləyən kameraların və digər avadanlıqların yol kənarlarına quraşdırılması, lazımi təminolunmaların həyata keçirilməsi və s. tam şəkildə başa çatdıqca, yol polisi sahəsində ümumi ab-hava da dəyişməyə başlayır. Yəni, əldə olunan uğurların əhəmiyyəti ilə bərabər, kəmiyyəti də yeni dövrün tələblərinə uyğunlaşdırılır.
Bit faktı da qeyd edək ki, illər öncə görünməni məhdudlaşdıran “plyonkalar”dan, əcaib səslər çıxaran siqnal qurğularından, istifadəsi qadağan olunmuş texniki vasitələrdən istifadə edən sürücülərə, avtoşluq edən, həmçinin yol hərəkəti qaydalarını pozanlara və digər qanunsuzluq əməllərinə qol qoyan şəxslərə qarşı mübarizə tədbirlərinin, sərtləşdirilmiş cəza tədbirlərinin gücləndirilməsi və s, həyata keçirilən islahatların tərkib hissəsi oldu. Ən əsası, Baş Dövlət Yol Polisi İdarəsinə rəhbərlik edən, polis general-mayoru cənab Ramiz Zeynalovun son vaxtlar atdığı təkmil addımlar, verdiyi müvafiq tapşırıqlar, bu sahədə əldə olunan uğurların əhatə dairəsini daha da genişləndirdi.
Hələ illər öncə, ölkə rəhbəri cənab İlham Əliyevin rəhbərliyi altında keçirilən məlum müşavirədə, yol polisi sahəsindəki problemlərin qısa zaman kəsiyində aradan qaldırması yöndə müvafiq tapşırıqlar verilmişdi. Dərhal verilmiş tapşırıqlardan sonra yol polisinin şəxsi heyyəti bu yöndə səfərbər olundu və hər cür neqativ amillərin aradan qaldırılmasına başlanıldı. Sözsüz ki, atılan addımların hər birinə cənab Ramiz Zeynalovun şəxsən nəzarət etməsi, verilmiş tapşırıqların qısa zaman kəsiyində yerinə yetirilməsi ilə nəticələndi.
Bu gün üzərinə düşən vəzifə borcunu layiqincə yerinə, artıq hər kəsin hörmət və rəğbət hissi ilə qarşıladığı şöbələrdən biri də, Zaqatala rayon Dövlət Yol Polisi Şöbəsidir. Adı çəkilən bu şöbəyə rəhbərlik edən polis baş leytenantı Elgün Əliyevin ilk gündən tətbiq etdiyi idarəçilik, məhz bu şöbədə yeni bir ab-havanın əmələ gəlməsi ilə nəticələnib. Məsələnin mahiyyəti ondan ibarətdir ki, illər öncə ciddi problemlərin yaşandığı bu şöbədə, hal-hazırda fərqli idarəçilik tətbiq olunur, hər bir sürücüyə qarşı fərqli münasibət də bəslənilir. Fakt budur ki, Elgün Əliyev Zaqatala rayon Dövlət Yol Polisi Şöbəsinə rəis təyin olunduğu ilk gündən, əksər sələflərindən fərqli addımlar atmağa başlayır. Yəni, bu şəxs idarəçiliyin elə bir formasını tətbiq edir ki, heç bir sürücü hansısa haqsızlıqla üz-üzə qalmır.
Sözsüz ki, belə bir addımların atılmasında, ilk öncə Elgün Əliyevin xarakterik xüsusiyyətinin göstəricisi, çevik idarəçilik bacarığının varlığı, ona həvalə olunmuş vəzifəsinin məsuliyyətini lazımınca dərk etməsi, ən əsası bir şəxs olaraq özündə cəmləşdirdiyi potensialın göstəricisidir. Belə bir səbəblər üzündəndir ki, bu gün Zaqatalada Elgün Əliyevi tanıyan hər kəs ona hörmətlə-izzətlə yanaşırlar.
Bəli, bu şəxs harada işləməsindən asılı olmayaraq hər zaman sevilib, kollektiv arasında hörməti olub, hər kəsin xeyir-duasını qazanıb. O, xarakterik xüsusiyyətində nə qədər prinsipal olsa da, bir o qədər də humanizmi sevən bir insandır. Daim çalışır ki, haqqı nahaqqa qurban verməsin. Bu şəxsin bir amalı var, o da yalnız Vətəninə, xalqına layiqincə xidmək etmək, hər kəsin məhəbbətini qazanmaqdır. Odur ki, hər kəs Elgün Əliyev kimi layiqli və ləyaqətli Vətən oğullarının qürurlu adı ilə fəxr edib, iftixar hissi də keçirirlər.
7-02-2020, 12:10 | İqbal Məmmədov kampaniyanın son gününədək görüşlərini davam etdirir - FOTOLAR
78 saylı Lerik seçki dairəsindən YAP-ın deputatlığa namizədi İqbal Məmmədov seçki kampaniyasının son günlərində də seçicilərlə görüşlərini davam etdirir. İ.Məmmədov bu dəfə Lerikin daha dörd kədində görüşlər keçirib.
Lerikin sərt iqlim şəraitinə baxmayaraq, təbliğat-təşviqat kampaniyasını uğurla davam etdirən namizəd rayonun Hamarmeşə, Bibiyani, Peştətük və Rəzgov kəndlərində seçicilərilə görüşüb. YAP-ın namizədi kənd ağsaqqalları, ziyalılar, ictimaiyyət nümayəndələri və gənclərlə söhbətləşib.
İ.Məmmədov öz seçicilərilə ötən 5 il ərzindəki deputat fəaliyyəti və qarşıda duran məsələlər haqqında geniş fikir mübadiləsi aparıb. Eyni zamanda, “Daha güclü Azərbaycan naminə!” seçki devizi altında növbəti 5 ildə də Prezident İlham Əliyevin daxili və xarici siyasəti sayəsində daha yüksək nailiyyətlər əldə ediləcəyindən bəhs edib. Görüşdə iştirak edən seçicilər Yeni Azərbaycan Partiyasını dəstəklədiklərini və partiyanın namizədinə yekdilliklə səs verəcəklərini bildiriblər.
