2-08-2026, 10:40 | Məşhur restorana silahlı hücum: Ölənlər və yaralananlar var
ABŞ-ın Aydaho ştatında restoranda baş verən silahlı hücum nəticəsində azı 3 nəfər ölüb, 2 nəfər yaralanıb. Hadisədən sonra hücum edən şəxs özünə atəş açaraq həyatına son verib. Hüquq-mühafizə orqanları faktla bağlı araşdırmalara başlayıb.
Musavat.com xəbər verir ki, məlumata görə, hadisə yerli vaxtla günorta saatlarında Aydaho ştatının cənubunda yerləşən Twin Falls bölgəsindəki məşhur restoranlardan birində qeydə alınıb.
İlkin məlumata əsasən, yarı avtomatik tüfənglə restorana daxil olan şəxs ətrafdakılara atəş açmağa başlayıb. Nəticədə azı üç nəfər hadisə yerində həyatını itirib, iki nəfər isə müxtəlif dərəcəli xəsarətlər alıb.
Hadisə yerinə cəlb olunan polis əməkdaşlarının məlumatına görə, hücumdan sonra silahlı şəxs öz silahı ilə özünə atəş açaraq ölüb.
Hazırda hüquq-mühafizə orqanları hücumun motivini müəyyənləşdirmək üçün istintaq aparır. Rəsmilər hələlik hücumun səbəbi və hücum edən şəxsin kimliyi barədə əlavə məlumat açıqlamayıblar.
Respublica.az
2-08-2026, 10:38 | SON DƏQİQƏ! Sloveniya Prezidenti yol qəzasına düşdü - Xəstəxanaya yerləşdirildi
Sloveniya Prezidenti Nataşa Pirts-Musarın olduğu avtomobil korteji yol-nəqliyyat hadisəsi ilə üzləşib. Hadisə iyulun 31-də ölkənin Kastelets tunelində qeydə alınıb.
Respublica.az xəbər verir ki, yerli mətbuatın yaydığı məlumata görə, prezident məzuniyyətdən paytaxta qayıdarkən kortejdə hərəkət edən iki xidməti avtomobil toqquşub. Qəza nəticəsində iki nəfər müxtəlif dərəcəli xəsarətlər alıb.
Bildirilir ki, dövlət başçısı hadisə zamanı yüngül xəsarət alıb. O, tibbi müayinədən keçməsi üçün xəstəxanaya aparılıb və vəziyyətinin qənaətbəxş olduğu üçün qısa müddət sonra evə buraxılması planlaşdırılıb.
Qəza zamanı yaralanan digər şəxsin isə daha ağır bədən xəsarətləri aldığı qeyd edilir. Onun səhhəti ilə bağlı əlavə məlumat açıqlanmayıb.
Hadisənin hansı səbəbdən baş verdiyi hələlik məlum deyil. Hüquq-mühafizə orqanları yol qəzasının bütün təfərrüatlarını araşdırır.
Respublica.az
2-08-2026, 10:28 | İkram Kərimov vəfat etdi
Uzun illər məhkəmə sədri olmuş, hazırda Vəkillər Kollegiyasının Ağsaqqallar Şurasının Sədri, "Ədalət" Vəkil bürosunun vəkili İkram Kərimov vəfat edib.
Respublica.az xəbər verir ki, İkram Kərimov 84 yaşında dünyasını dəyişib.
Qeyd edək ki, İkram Kərimov 18 aprel 1942-ci il tarixində Kürdəmir şəhərində qulluqçu ailəsində anadan olub. 1959-cu ildə Kürdəmir şəhər orta məktəbini bitirib. 1959-1961-ci illərdə sovxozda fəhlə işləyib. 1961-1966-cı illərdə Azərbaycan Dövlət Universitetinin Hüquq fakültəsində təhsil alıb.
1966-1978-ci illərdə Bakı şəhərinin Yasamal, Qusar və Xaçmaz rayon prokurorluqlarında müstəntiq, Azərbaycan SSR Prokuroru yanında mühüm işlər müstəntiqi vəzifələrində, 1978-1987-ci illərdə Bakı şəhər Xəzər rayon prokuroru, Bakı şəhər prokurorunun birinci müavini - İstintaq Şöbəsinin rəisi işləyib. 1987-2012-ci illərdə Bakı Şəhər Məhkəməsinin sədri, Ağır cinayətlərə dair işlər üzrə Azərbaycan Respublikası Hərbi Məhkəməsinin sədri və Sumqayıt Apelyasiya Məhkəməsinin sədri vəzifələrində çalışıb.
İkram Kərimov Vəkillər Kollegiyasının Rəyasət Heyətinin qərarı ilə 14 yanvar 2019-cu il tarixində Vəkillər Kollegiyasının üzvlüyünə qəbul edilib və Kollegiyanın Ağsaqqallar Şurasının sədri seçilib.
Respublica.az
2-08-2026, 10:22 | DİM bu gün dövlət qulluğuna qəbul imtahanı keçirəcək
Dövlət İmtahan Mərkəzi (DİM) bu gün dövlət qulluğunda inzibati vəzifələrin B növünə aid BB vəzifə qrupu üzrə qəbul imtahanı keçirəcək.
DİM-dən bildirilib ki, imtahanda iştirak etmək üçün 1125 namizəd qeydiyyatdan keçib.
Namizədlər imtahana şəxsiyyətini təsdiq edən sənədin əsli və "İmtahana buraxılış vərəqəsi" ilə gəlməlidirlər.
İmtahan iki növbədə təşkil olunacaq. Birinci növbə saat 10:00-da, ikinci növbə isə saat 16:00-da başlayacaq. Müvafiq olaraq, saat 09:45-dən və 15:45-dən sonra gələn namizədlər imtahana buraxılmayacaqlar.
İmtahanın təşkili üçün 12 zal administratoru, 73 nəzarətçi və 11 buraxılış rejimi əməkdaşı cəlb edilib.
Respublica.az
2-08-2026, 10:20 | Yaponiyada dağıdıcı zəlzələnin qurbanlarının sayı artır
Yaponiyanın Kyuşu adasında baş verən güclü zəlzələnin fəsadları ağırlaşmaqda davam edir.
Associated Press agentliyinin yaydığı məlumata görə, Kumamoto prefekturasında iyulun 28-də qeydə alınan 7,1 bal gücündə zəlzələ nəticəsində həyatını itirənlərin sayı 38-ə yüksəlib, azı 139 nəfər isə xəsarət alıb.
Təbii fəlakətdən sonra bölgədə vəziyyət hələ də tam bərpa olunmayıb. Hazırda təxminən 69 min ev təsərrüfatı susuz qalıb, 9200-dən çox sakin isə təxliyə mərkəzlərində məskunlaşmağa məcbur olub.
Zəlzələnin nəticələrinin aradan qaldırılması üçün xilasetmə və təcili yardım xidmətləri ilə yanaşı, Yaponiya Özünümüdafiə Qüvvələrinin təxminən 4600 hərbçisi də əməliyyatlara cəlb edilib.
Respublica.az
2-08-2026, 10:19 | 80-ci illərin əfsanəvi ətirləri yenidən dəbdədir - 4 klassik qoxu
Son illərdə yüngül və minimal ətirlər populyar olsa da, 80-ci illərin xarakterik və qalıcı qoxuları yenidən moda dünyasında diqqət çəkir. Ədviyyat, kəhrəba, çiçək notları, vanil və uzunmüddətli qoxu izi ilə seçilən bu əfsanəvi ətirlər bu gün daha müasir şəkildə istifadə olunur. Mütəxəssislər onları bilək, saçın arxası və ya geyim üzərinə az miqdarda vurmağı tövsiyə edirlər.
Respublica.az bu ətirləri təqdim edir:
Calvin Klein Obsession
Calvin Klein tərəfindən 1985-ci ildə təqdim edilən Obsession markanın ən məşhur ətirlərindən biridir. Reyhan, berqamot, naringi və keşnişlə açılan kompozisiya daha sonra yasəmən, qızılgül, portağal çiçəyi, səndəl ağacı və palıd mamırı ilə zənginləşir. Əsas notlarda isə kəhrəba, buxur, vanil, müşk və vetiver hiss olunur. İsti, şərq üslublu qoxuları sevənlər üçün uyğun olan bu ətir xüsusilə sərin havalarda özünü daha yaxşı göstərir.
Chanel Coco
1984-cü ildə təqdim olunan Chanel Coco klassik dəbdəbənin simvollarından biri hesab olunur. Ətir qızılgül, şaftalı, naringi və keşniş notları ilə başlayır, daha sonra qərənfil, mimoza və portağal çiçəyi ilə davam edir. Finalda isə səndəl ağacı, tonka paxlası, kəhrəba və vanil üstünlük təşkil edir. Bu ətir axşam tədbirləri və zərif geyim tərzi ilə mükəmməl uyğunlaşır.
Dior Poison
1985-ci ildə təqdim olunan Dior Poison dövrünün ən cəsarətli ətirlərindən biri sayılır. Keşniş, meşə giləmeyvələri və anislə başlayan kompozisiya tuberoza, bal, darçın və buxur notları ilə dərinləşir. Vanil, kəhrəba və sidr ağacı isə ona uzunmüddətli və təsirli qoxu bəxş edir. Minimalist geyimlərlə birlikdə istifadə edildikdə Poison əsas diqqət mərkəzinə çevrilə bilir.
Guerlain Samsara
1989-cu ildə təqdim olunan Guerlain Samsara 80-ci illərin sonunun ən məşhur ətirlərindən biridir. Səndəl ağacı, yasəmən, ilanq-ilanq və vanilin harmoniyası sayəsində kremli, yumşaq və sakit bir təsir yaradır. Digər klassik ətirlərlə müqayisədə daha zərif səslənən Samsara xüsusilə payız və qış aylarında, kaşmir geyimlər və uzun paltolarla ahəngdar uyğunlaşır. Bu ətir şərq üslublu, lakin həddindən artıq şirin olmayan qoxuları sevənlər üçün uğurlu seçim hesab olunur./Lent.az
Respublica.az
1-08-2026, 10:06 | “Qarabağ”ın oyunlarını bu hakimlər idarə edəcək
“Qarabağ”ın UEFA Konfrans Liqasının III təsnifat mərhələsində Kiyev “Dinamo”suna qarşı keçirəcəyi oyunların hakimləri müəyyənləşib.
Respublica.az xəbər verir ki, avqustun 6-da Bakı vaxtı ilə 21:00-da Polşanın Lublin şəhərində keçiriləcək matçı danimarkalı hakimlər briqadası idarə edəcək.
Baş hakim Morten Kroq, yan xətt hakimləri Şteffen Bramsen və Viktor Skite olacaq. Dördüncü hakim funksiyasını Yakob Karlsen yerinə yetirəcək. VAR sisteminə Yakb Kelet nəzarət edəcək.
Avqustun 13-də Bakıda təşkil olunacaq cavab matçı isə İngiltərədən olan hakimlər briqadasına həvalə edilib.
Görüşün baş hakimi Stüart Attvell olacaq. Ona yan xətt hakimləri Yan Hussin və Nik Qrinhalq kömək edəcəklər. Dördüncü hakim funksiyasını Lyuis Smit yerinə yetirəcək. VAR-da Piter Benks olacaq.
Qeyd edək ki, avqustun 13-də Tofiq Bəhramov adına Respublika Stadionunda keçiriləcək matç saat 20:00-da başlayacaq.
Respublica.az
1-08-2026, 09:59 | Trampdan Ukrayna ilə bağlı gözlənilməz açıqlama: İstədiyimiz vaxt ora gedə bilərik
ABŞ prezidenti Donald Tramp Ukrayna ilə bağlı gözlənilməz açıqlama verib.
Respublica.az xəbər verir ki, o, amerikalı jurnalist Stiv Qruberə verdiyi müsahibədə ötən il Ukrayna ilə ABŞ arasında imzalanmış nadir torpaq metallarına dair müqaviləyə toxunub: "Ukraynanın nadir torpaq metalları ilə çox zəngin torpaqları var. Nadir torpaq metalları üçün imzalanmış müqaviləmiz var. İstənilən vaxt ora gedib demək olar ki, istədiyimiz hər şeyi götürə bilərik. Bu, olduqca yaxşı bir razılaşmadır".(Musavat.com)
Respublica.az
1-08-2026, 09:54 | Avropada qaz qiymətləri kəskin artdı
Yaxın Şərqdə münaqişənin yenidən alovlanması fonunda iyul ayında Avropada qazın orta qiyməti kəskin artıb.
Respublica.az xəbər verir ki, iyul ayında bu göstərici ötən ilin eyni dövrü ilə müqayisədə 1,5 dəfə yüksək olub. London ICE birjasının məlumatına əsasən ötən ay qazın 1000 kubmetrnin orta qiyməti 637 dollara çatıb.
Qaz fyuçersləri 30 iyunda 1000 kubmetr üçün təxminən 510 dollardan satıldığı halda, 31 iyulda təxminən 709 dollardan bağlanıb ki, bu da əvvəlki ayın sonundan 39 faiz çoxdur.
Bundan əlavə, Avropada qazın qiyməti 2025-ci ilin iyul ayı üçün orta qiymət təkliflərindən 55 faiz yüksək olub. Bu rəqəm iyun ayı ilə müqayisədə də 19 faiz yüksəkdir.
Ümumilikdə, yayın əvvəlindən bəri qiymət təklifləri 1000 kubmetr üçün 586 dollar təşkil edib ki, bu da 2025-ci ilin iyun-iyul ayları ilə müqayisədə 38 faiz yüksəkdir. 2026-cı ilin birinci rübündə Avropa mərkəzlərində qazın qiyməti 1000 kubmetr üçün 481 dollar olub, ikinci rübdə isə bu rəqəm 550 dollara qədər artıb.
İyul ayında qazın qiymətlərinin artması əsasən Yaxın Şərq münaqişəsinin yeni mərhələsi və qlobal tədarükün beşdə birinin keçdiyi Hörmüz boğazının bağlanması ilə əlaqədardır. Bütün bunlar bazarda mövcud həcmlər uğrunda rəqabət aparan Avropa və Asiyada qazın qiymətlərinin artmasına səbəb olub və qiymətləri qaldırıb.
ABŞ-İran münaqişəsinin son eskalasiyası 8 iyulda başlayıb. (Musavat.com)
Respublica.az
31-07-2026, 10:08 | Sadır Japarov: Azərbaycan regionda sülhün və sabitliyin təmin edilməsində mühüm rol oynayır
Azərbaycan inamla inkişaf edir, beynəlxalq arenada mövqelərini möhkəmləndirir və regionda sülhün və sabitliyin təmin edilməsində mühüm rol oynayır.
Bunu Qırğızıstan Prezidenti Sadır Japarov Azərbaycan Prezidenti İlham Əliyevlə görüşü zamanı deyib.
"Qırğızıstanda sizi qardaş Azərbaycanın lideri və qırğız xalqının əziz dostu kimi böyük hörmətlə qarşılayırlar. Sizin rəhbərliyinizlə Azərbaycan inamla inkişaf edir, beynəlxalq arenada mövqelərini möhkəmləndirir, regionda sülhün və sabitliyin təmin olunmasında mühüm rol oynayır. Bu gün ölkə təsirli nəticələr nümayiş etdirir, genişmiqyaslı islahatları ardıcıl şəkildə həyata keçirir və milli maraqlarını qətiyyətlə müdafiə edir", – deyə Japarov bildirib.
Qırğızıstan Prezidenti qeyd edib ki, Azərbaycanın müasir nailiyyətləri Azərbaycan xalqının Ümummilli Lideri Heydər Əliyev tərəfindən qoyulmuş möhkəm təməl üzərində qurulub:
"Bu quruculuq yolu davam etdirilir. Siz ölkənin bundan sonrakı inkişafını təmin edir, onun regional və beynəlxalq proseslərdə rolunun daha da möhkəmlənməsinə nail olursunuz"./report
Respublica.az
